ساياساتتانۋشىنىڭ پىكىرىنشە، جۇمىسقا حالىقتىڭ ءوزى دە جۇمىلۋى ءتيىس.
قازاقستاننىڭ بەلگىلى ساياساتتانۋشىسى ءازىمباي عالي مەملەكەت پرەزيدەنتى قاسىم-جومارت توقايەۆتىڭ ۇكىمەتتىڭ كەڭەيتىلگەن وتىرىسى بارىسىندا كوتەرگەن ماسەلەلەرگە قاتىستى ءوز پىكىرىن ءبىلدىردى، دەپ حابارلايدى Almaty-akshamy.kz Almaty.tv سىلتەمە جاساپ.
نارىقتىق رەفورمانىڭ ناتيجەسىندە ەكونوميكا دامىدى. ءبىراق مۇنىڭ ارتى الەۋمەتتىك تاپتار مەن توپتار، جاڭا داۋلەتتى ادامداردىڭ پايدا بولۋىنا الىپ كەلدى دەيدى ءازىمباي عالي. ەندىگى كەزەكتە وسى ەكونوميكالىق قارقىندى ساقتاپ، حالىقتىڭ ءومىر ءسۇرۋ ساپاسىن تىم جۇدەتپەۋ ءارى ساياسي قۇقىقتىق رەفورما جاساۋ كەرەك. بۇل ديللەمانى شەشۋ وڭايعا تۇسپەيدى، سوندىقتان جۇمىسقا حالىقتىڭ ءوزى دە جۇمىلۋى ءتيىس، دەيدى ساياساتتانۋشى.
«الەۋمەتتىك-ەكونوميكالىق رەفورما جاسالدى. ەندى ساياسي قۇقىقتىق رەفورما جاساۋ كەرەك، ياعني بار جەتىستىكتەردى زاڭداستىرۋ. حالىق بۇل ۇردىستەرگە مويىنسۇنۋى كەرەك، سونان كەيىن جىگەر-كۇشىن قوسىپ، الەمدىك ءۇردىس بولعاننان كەيىن، وزىق ەلدەر سياقتى تىرشىلىگىن جاساۋ كەرەك»، – دەدى ساياساتتانۋشى ءازىمباي عالي.