قىتايدا ازيا پارا ويىندارى اياقتالدى. ونىڭ قاتىسۋشىلارى مەن جۇلدەگەرلەرى الماتىعا ورالدى. سپورتشىلارعا ارنالعان العاشقى رەسمي باسپا ءسوز ءماسليحاتىن وڭىرلىك كوممۋنيكاسيالار قىزمەتى ۇيىمداستىردى.
ەستەرىڭىزگە سالا كەتەيىك، 2023 جىلدىڭ 22-28 قازان ارالىعىندا حانچجوۋدا (جۇڭگو) IV ازيا پارا ويىندار ءوتتى. «الماتى» سپورت كلۋبىنىڭ توعىز سپورتشىسى ۇلتتىق قۇراما ساپىندا جەڭىل اتلەتيكا، پارا تاەكۆوندو، پارا ساداق اتۋ، پارا ۆەلوسپورت، پارا ءجۇزۋ، پارا دزيۋدو بويىنشا جارىستارعا قاتىستى، دەپ حابارلايدى Almaty-akshamy.kz.
كورۋ قايۋىلەتى بۇزىلعان سپورتشى، پارا ۆەلوسيپەدشى كەنجەعۇل سەيىتجان ۇشقىش انتون لاۆرەنتيەۆپەن جۇپتاسىپ، 18،5 جانە 69،5 كم قاشىقتىقتا 2 قولا مەدال جەڭىپ الدى.
پارا دزيۋدوشى، حالىقارالىق دارەجەدەگى سپورت شەبەرى كاميلا دوسمالوۆا كۇمىس مەدال الدى. پارا ءجۇزۋشى كيريلل يليۋكيەۆيچ ءوزىنىڭ جەكە ناتيجەسىن ەداۋىر جاقسارتتى، ءبىراق 100 م ەركىن ءجۇزۋ ستيلىندە ۋاقىت جاعىنان ازداعان سەكۋندتتارعا قالىپ، 4ء-شى ورىنعا يە بولدى.
جارىسقا ەلىمىزدەن بارلىعى 131 سپورتشى 14 سپورت تۇرىنە قاتىسىپ، سەگىز التىن، 12 كۇمىس جانە 21 قولا مەدالمەن كوماندالىق ەسەپتە 11-ورىنعا يە بولدى. ايتا كەتۋ كەرەك، ازيا پارا ويىندارىنا 43 ەلدىڭ سپورتشىلارى قاتىستى.
سپورتشىلار جۇڭگو ساپارى مەن وزدەرىنىڭ سپورتقا قالاي كەلگەندەرى جايلى ايتىپ بەردى. ايتا كەتەيىك، جاتتىقتىرۋشىلار دا، سپورتشىلاردىڭ وزدەرى دە ازيا ويىندارى جوعارى دەڭگەيدە وتكەنىن اتاپ ءوتتى. بارلىق پاراسپورتشىلار وعان ۇزاق جانە بارىن سالىپ دايىندالدى، مەملەكەتتىك ورگاندار دا قولداۋ كورسەتتى.
«ءبىز ازيا ويىندارىنىڭ الدىندا الماتى وبلىسىندا جانە ورتا تاۋلى ايماقتا ىستىقكولدە ەكى جاتتىعۋ جيىنىن وتكىزدىك. سونداي-اق، قىتايدا اككليماتيزاسيادان وتۋگە ۋاقىت ءبولىندى. شەتىنەن مىقتى كوماندالار كەلدى، جۇڭگو كومانداسى، سونداي - اق وڭتۇستىك كورەيا، يندونەزيا قۇرامالارى كۇشەيە تۇسكەن»، - دەپ ءبولىستى ۆەلوسپورت قۇراماسىنىڭ باس باپكەرى نيكولاي زايسيەۆ.
ول سونداي-اق ۆەلوسيپەدتەر ساتىپ الىنعانىن، ءبىزدىڭ سپورتشىلارىمىز بارىپ، مەدال جەڭىپ الۋى ءۇشىن بارىنشا جاعداي جاسالعانىن ايتتى. ايتا كەتەيىك، بۇگىندە الماتىدا پارا ۆەلوسپورت دامىپ كەلەدى، جاتتىعۋلار سمارت ستانوكتاردا وتۋدە. جاقىندا «حالىق ارەنادا» ۆەلو بازا اشىلادى، سونىمەن قاتار «ەنديۋرانس» فيتنەس-زالىندا ساباقتار وتەدى.
وتكەن جارىستاردان العان اسەرىمەن 2023 جىلعى تاەكۆوندودان ازيا پارا ويىندارىنىڭ كۇمىس جۇلدەگەرى كاميلا دوسمالوۆا ءبولىستى. ول سپورتپەن مەكتەپتە وقىپ جۇرگەن كەزىنەن اينالىسقان.
«مەن سپورتپەن سالاۋاتتى ءومىر سالتىن ۇستانۋ ءۇشىن حوببي رەتىندە اينالىسا باستادىم. 2016 جىلى جاتتىقتىرۋشى ماعان جارىسقا قاتىسۋ مۇمكىندىگى تۋرالى ايتتى. مەن بەلدەسۋ الاڭىنا العاش رەت م 2016 جىلى ازيا چەمپيوناتىندا شىققان بولاتىنمىن»، - دەپ ءبولىستى ول.
ازيا پارا ويىندارىندا جارتىلاي فينالدا دزيۋدوشى سپاررينگتە نەپال وكىلدەرىمەن كەزدەستى.
ۆەلوسپورت بويىنشا 2023 جىلعى ازيا پارا ويىندارىنىڭ قاتىسۋشىسى، سپورت شەبەرى جۇلدىز قايناروۆا جىل بويى كاسىبي تۇردە پارا ۆەلوسپورتپەن اينالىسادى. سەكسياعا 2021 جىلى ءوزىن سىناپ كورۋ ءۇشىن كەلگەن، سول كەزدەن باستاپ جۇلدىز جارىسقا قاتىسا باستادى، ءتىپتى ءبىرىنشى ورىنداردى يەلەنگەن.
ۆەلوسپورتتان 2023 جىلعى ازيا پارا ويىندارىنىڭ قولا جۇلدەگەرى، سپورت شەبەرى انتون لاۆرەنتيەۆ جارىستا ۇشقىش ءرولىن اتقارادى. ول 10 جاسىنان باستاپ ۆەلوسپورتپەن اينالىسا باستاپتى، ونىڭ اكەسى جاتتىقتىرۋشىلىقپەن اينالىسادى. انتون حالىقارالىق جانە ەۋروپالىق ستارتتارعا قاتىسىپ، قۇرلىقتىق كوماندالاردىڭ قۇرامىندا بولدى. سودان كەيىن ول 2023 جىلعى ازيا پارا ويىندارىنىڭ قولا جۇلدەگەرى كەنجەعۇل سەيىتجانمەن بىرگە پارا ۆەلوسپورتتا ءوزىن ۇشقىش رەتىندە سىناپ كوردى.
انتوننىڭ سەرىكتەسى - كەنجەعۇل سەيىتجان زاعيپ سپورتشىلار ءۇشىن ۇشقىشتار ەركىندىكتى، جىلدامدىقتى، ۇشۋدى سەزىنۋگە مۇمكىندىك بەرەتىن ادامدار ەكەنىن ايتتى. كەنجەعۇل پارا ۆەلوسپورتتان قازاقستان فەدەراسياسىن قۇرۋ يدەياسى سوناۋ 80ء-شى جىلدارى باستالعانىن ايتتى.
«بۇل تۋرالى ەستىگەننەن كەيىن مەن شابىتتاندىم جانە ەلىمىزدە وسى سپورتتى دامىتقىم كەلدى. سوندىقتان 2016 جىلى ءبىز «شەكاراسىز سپورت» جوباسىن قۇردىق، الەمنىڭ جارتىسىن ارالاپ، جارىسقا قاتىساتىن كەز كەلدى دەپ شەشتىك. سونىمەن، 2021 جىلدان باستاپ ءبىز ءار ءتۇرلى تۋرنيرلەر مەن جارىستارعا ءجيى قاتىسىپ، فەدەراسيانى نىعايتىپ، كەڭەيتۋ كەرەك دەگەن شەشىم قابىلدادىق. سول جىلى ءبىز ۆەلوسپورتتان قىسقى جانە جازعى ۇلتتىق چەمپيوناتتاردى وتكىزە باستادىق. 2022 جىلى پارا ۆەلوسپورتتان ق ر ۇلتتىق چەمپيوناتىندا كومانداعا ون ەكى ۇشقىش كىردى، سول جىلدىڭ ناۋرىز ايىندا ماقسات قادىروۆ ەكەۋمىز كوماندادان بارىپ، پارا ۆەلوسپورتتان العاشقى قولا مەدال الىپ كەلدىك»، - دەپ ءبولىستى ول.
باسپا ءسوز ءماسليحاتىنىڭ سوڭىندا پارا سپورتشىلار مەن ولاردىڭ جاتتىقتىرۋشىلارى ەرەكشە قاجەتتىلىكتەرى بار ادامداردى سەكسياعا كەلۋگە، وزدەرىنىڭ قاتارىنا قوسىلىپ، سپورتتاعى بيىكتەرگە جەتۋگە شاقىردى.