ازيا ويىندارى قىتايدىڭ حانچجوۋ قالاسىندا 23 قىركۇيەك پەن 8 قازان ارالىعىندا وتەدى
تۋريزم جانە سپورت مينيسترلىگى الداعى جازعى ازيا ويىندارىندا جۇلدە العان قازاقستاندىق سپورتشىلار مەن ولاردىڭ جاتتىقتىرۋشىلارىنا اقشالاي ىنتالاندىرۋ مولشەرىن جاريالادى، دەپ حابارلايدى Almaty-akshamy.kz.
Azattyq Ruhۋ-نىڭ مالىمەتى بويىنشا، ازيا ويىندارىنىڭ چەمپيونى اتانعان سپورتشىعا 10 000 اقش دوللارى كولەمىندە اقشالاي سىياقى بەرىلەدى. ال التىن مەدال يەگەرىن جارىسقا دايىنداعان جاتتىقتىرۋشىعا 5 000 اقش دوللارى قاراستىرىلىپ وتىر.
قۇرلىق بىرىنشىلىگىنىڭ كۇمىس جۇلدەگەرى 5 000 اقش دوللارى، ال جاتتىقتىرۋشىسى 3 000 اقش دوللارى كولەمىندە سىياقى الادى. سونداي-اق قولا مەدال ەنشىلەگەن قۇراما سپورتشىسىنا 3 000 اقش دوللارى، ال ونىڭ جاتتىقتىرۋشىسىنا 2 000 اقش دوللارى كولەمىندە اقشالاي ىنتالاندىرۋ بەلگىلەنگەن.
ازيا ويىندارى قىتايدىڭ حانچجوۋ قالاسىندا 23 قىركۇيەك پەن 8 قازان ارالىعىندا وتەدى. ءوز تاريحىندا 29-شى مارتە جالاۋىن كوتەرەتىن ازيا ويىندارىندا 40-تان استام سپورت تۇرىنەن جۇلدەلەر ساراپقا سالىنادى. قۇرلىق بىرىنشىلىگىنە 45 مەملەكەت قاتىسادى دەپ جوسپارلانىپ وتىر.
«ازيا ويىندارىنا قاتىساتىن ۇلتتىق قۇراما جاساقتالىپ، ەلىمىزدىڭ ءار وڭىرىندە وقۋ-جاتتىعۋ جيىندارىن وتكىزىپ جاتىر. سپورتشىلارىمىز جاقىن كۇندەرى قىتايعا اتتانادى»،- دەدى ق ر تۋريزم جانە سپورت مينيسترلىگىنىڭ رەسمي وكىلى ءمولدىر ابدۋالييەۆا.