تۋريزم جانە سپورت مينيسترلىگى قىتايدىڭ حانچجوۋ قالاسىندا وتەتىن 19-شى ازيا ويىندارىنا قازاقستاننان 525 سپورتشى قاتىساتىنىن مالىمدەدى، دەپ حابارلايدى Almaty-akshamy.kz.
ءبىزدىڭ سپورتشىلار 30 سپورت تۇرىنەن 305 مەدالدى ساراپقا سالادى. ايتا كەتەيىك، قازاقستان قۇراماسى ازيا ويىندارىنا 1994 جىلدان بەرى سەگىزىنشى رەت قاتىسىپ كەلەدى.
«قازاقستان حانچجوۋعا سپورتتىڭ 30 تۇرىنەن 525 سپورتشىنى جەتكىزەدى. ونىڭ 27ء-سى وليمپيادا باعدارلاماسىنا ەنگەن، قالعان ۇشەۋى وليمپيادالىق ەمەس سپورت تۇرلەرى. سونىمەن قاتار، الداعى جارىستا ولار پاريج وليمپياداسىنا جولداما الادى. 8 سپورت ءتۇرى بويىنشا. ولار: بوكس، ساداق اتۋ، زاماناۋي بەسسايىس، ءجۇزۋ، برەيك، دوپتى حوككەي، تەننيس جانە جەڭىل اتلەتيكا. سپورتتىڭ 4 تۇرىنەن رەيتينگتىك ۇپايلار ويىنىنا قاتىسادى. ولار: تحەكۆوندو، دزيۋدو، ترياتلون، بادمينتون»،- دەپ مالىمدەدى تۋريزم جانە سپورت مينيسترلىگى.
سونىمەن قاتار، دەپارتامەنت ازيا ويىندارىندا جۇلدەلى ورىن العان سپورتشىلار مەن ولاردىڭ جاتتىقتىرۋشىلارىن اقشالاي ىنتالاندىرۋ كولەمىن بۇعان دەيىن جاريالاعان بولاتىن.
«حابار 24» ارناسىنىڭ حابارلاۋىنشا، قازاقستان قۇراماسى قىتايدىڭ حانچجوۋ قالاسىنا كەلىپ ۇلگەرگەن. بەيسەنبى كۇنى قازاقستان تۋىن كوتەرۋ ءراسىمى، سەنبى كۇنى ويىنداردىڭ رەسمي اشىلۋى بولادى دەپ كۇتىلۋدە.
بۇرىن حابارلانعانداي، ازيا ويىندارىنىڭ اشىلۋ سالتاناتى 23 قىركۇيەكتە وليمپيادالىق سپورت ورتالىعىنىڭ ستاديونىندا وتەدى. جارىسقا قۇرلىقتىڭ 45 ەلىنەن 15 مىڭنان استام سپورتشى قاتىسادى. ولار سپورتتىڭ 40 تۇرىنەن 481 مەدال جيىنتىعىن ساراپقا سالادى.