جەدەل تۇردە الىنعان مالىمەتتەرگە قاراعاندا، كۇدىكتى اباي داڭعىلى مەن التىنسارين كوشەلەرىندە ءىلىپ، ەسىرتكى زاتتارىن جارنامالاپ، ناسيحاتتاپ جۇرگەن، دەپ حابارلايدى Almaty-akshamy.kz.
«ءبىزدىڭ بولىمشە قىزمەتكەرلەرى قالالىق پروكۋراتۋرانىڭ ۇيلەستىرۋىمەن “قاراسورا – 2023” ءىس-شاراسى اياسىندا 44 جاستاعى ج.ەسىمدى ازاماتتى ۇستادى. ودان ەسىرتكى دۇكەنىنىڭ سىلتەمەسى مەن جازۋى بار 30 بروشيۋرا تابىلدى. كۇدىكتىنىڭ تۇرعىلىقتى جەرىنەن 205 دانا وسىنداي جاپسىرمالار تاركىلەندى. ءاربىر حابارلاندىرۋ ءۇشىن “جارناما ءىلۋشى” اقشالاي سىياقى نەمەسە سينتەتيكالىق ەسىرتكىنىڭ بەلگىلى ءبىر مولشەرىن الاتىنى بەلگىلى بولدى. قاسكويدىڭ ارەكەتى ق ر قك-نىڭ 299-بابى 1-بولىگى بويىنشا سارالانادى. بۇل باپتىڭ سانكسياسىندا 3 جىلعا دەيىنگى مەرزىمگە باس بوستاندىعىنان ايىرۋ تۇرىندەگى جازا قاراستىرىلعان»، – دەدى الماتى قالالىق پد ەسىرتكى قىلمىسىنا قارسى كۇرەس باسقارماسىنىڭ باستىعى ەرلان الماعامبەتوۆ.
ق ر قك-نىڭ 201-بابىنا سايكەس وزگە اقپارات تەرگەۋ مۇددەسىنە وراي جاريا ەتىلمەيدى. ق ر كونستيتۋسياسىنىڭ 77-بابى 3ء-بولىمى، 1-تارماعى، ق ر قك-نىڭ 19-بابى 1-تارماعىنا ساي كەز كەلگەن ازامات سوت شەشىمى زاڭدى كۇشىنە ەنگەنگە دەيىن كىناسىز دەپ سانالادى.