قىتايدىڭ حانچجوۋ قالاسىندا بۇگىن XIX جازعى ازيا ويىندارى جالاۋىن كوتەرەدى. قازاقپارات ءتىلشىسى وسى جونىندە مالىمەتتەردى تاعى ءبىر مارتە وي ەلەگىنەن وتكىزىپ كوردى، دەپ حابارلايدى almaty-akshamy.kz.
سپورتشىلار سانى جونىنەن رەكورد تىركەلدى
بيىلعى ازيا ويىندارى بەلگىلى سەبەپتەگە بايلانىستى ءبىر جىلعا شەگەرىلگەنى بەلگىلى. ەندىگى كەزەكتە ءدۇبىرلى دودا بيىل 23 قىركۇيەك پەن 8 تامىز ارالىعىندا وتەدى.
ازيا ويىندارى بۇعان دەيىن قىتايدا 2 مارتە وتكىزىلگەن. اتاپ ايتقاندا، ول بەيجىڭ (1990 جىلى) مەن گۋانچجوۋ قالاسىندا (2010 جىلى) بولعان. حانچجوۋ ءدۇبىرلى دودانى قابىلدايتىن باسەكەنى قابىلدايتىن قالا رەتىندە 2015 جىلعى 16 قىركۇيەكتە تۇركىمەنستان استاناسى اشحابادتا وتكەن ازيا وليمپيادا كەڭەسىنىڭ (OCA) اسسامبلەياسىندا رەسمي تۇردە جاريالاندى.
2020 جىلدىڭ اياعىندا ويىندار باعدارلاماسىنا كيبەرسپورت پەن برەيك-دانس قوسىلىپ، ولاردىڭ سانى 42-گە جەتتى. ونىڭ 28ء-ى وليمپيا ويىندارىنىڭ باعدارلاماسىنا كىرەدى.
سايىستار 51 جارىس الاڭىندا وتكىزىلەدى. بۇل ماقساتتا 14 جاڭا كەشەن سالىندى. كوپتەگەن سپورت تۇرىنەن جارىستى حانچجوۋ قابىلدايدى. ال كەيبىر جارىستار دەسين، سزينحۋا، نينبو، شاوسين مەن ۆەنچجوۋ سىندى شاعىن قالالاردا بولادى.
ازيا ويىندارىنىڭ بويتۇمارى رەتىندە كونگكونگ، ليانليان مەن چەنچەن تاڭدالعان. ولاردىڭ ورتاق ەسىمى «سزيانناني جايلى ەستەلىك». ال ويىنداردىڭ رەسمي ۇرانى «جۇرەكتەن جۇرەككە @Future». بۇل سلوگان 2019 جىلعى 15 جەلتوقساندا رەسمي اشىلۋعا 1000 كۇن قالعاندا ايتىلدى. وسى ارقىلى ۇيىمداستىرۋشىلار ازيا ويىندارى قۇرلىقتاعى بارلىق ەل اراسىنداعى بايلانىستى اسپەتتەۋگە تىرىسقان.
ءدۇبىرلى دودادا ازيا وليمپيادا كەڭەسى (اوك) قۇرامىنداعى 45 ەلدەن 12 500-دەن استام سپورتشى كەلەدى دەپ كۇتىلۋدە. بۇل - رەكوردتىق كورسەتكىش. 2018 جىلى يندونەزيادا وتكەن ازيادادا 11 300 ادام تىركەلىپ، جاڭا رەكوردتىق كورسەتكىش ورناعان ەدى. ەڭ كوپ دەلەگاسيا جۇڭگو قۇراماسى ساپىندا، بۇل ەلدەن 600-دەن استام سپورتشى جارىس جولىنا شىعادى. ودان كەيىنگى ورىنداردا تايلاند، جاپونيا، وڭتۇستىك كورەيا، ءۇندىستان، گونكونگ قۇرامالارى بار.
جازعى ازيا ويىندارىندا 8 سپورت تۇرىنەن پاريج وليمپياداسىنا جولداما بەرىلەدى. باسەكەدە 40 سپورت تۇرىنەن جۇلدەلەر ساراپقا سالىنادى. ازيا ويىندارىندا بوكستان پاريج وليمپياداسىنا 13 جولداما بەرىلەدى. ونىڭ جەتەۋى ەرلەرگە، التاۋى ايەلدەر اراسىنداعى بوكسشىلارعا تيەسىلى. ال ساداق اتۋدان 3 ليسەنزيا ەرلەر، ايەلدەر، ارالاس كوماندا بويىنشا ۇلەستىرىلەدى. سونداي-اق زاماناۋي بەسسايىستا 2 (ەر جانە ايەل)، برەيك-دانستا 2 (ەر جانە ايەل)، ۇلكەن تەننيستە 5 (ەر، ايەل، جۇپتىق ەرلەر، جۇپتىق ايەلدەر، ارالاس جۇپتار)، سۋ دوبىنان 2 (ەرلەر جانە ايەلدەر قۇراماسى)، كوركەم جۇزۋدە 2 (ايەلدەر دۋەتى، كوماندالىق سايىس)، كوگالداعى حوككەيدە 2 (ەرلەر، ايەلدەر قۇراماسى) جولداما بەرىلەدى. وليمپيادا باعدارلاماسىنا كىرەتىن وزگە سپورت تۇرلەرىنەن جولداما الەم چەمپيوناتىنان كەيىن ءوز يەسىن تابادى.
بيىل ەلىمىزدىڭ اتىنان حانچجوۋ قالاسىندا 30 سپورت تۇرىنەن 524 قازاقستاندىق (262 ەر، 262 ايەل) ساڭلاق ب ا ق سىنايدى. ونىڭ ىشىندە وليمپيادا باعدارلاماسىنا كىرەتىنى 27، قالعان ۇشەۋى - وليمپيادالىق ەمەس سپورت ءتۇرى. ەلىمىز مۇنداي ماڭىزدى شاراعا ءوز تاريحىندا سەگىزىنشى مارتە قاتىسادى.
تۋدى كىم ۇستاپ شىعادى؟
ءدۇبىرلى دودانىڭ سالتاناتتى اشىلۋ راسىمىندە ەلىمىزدىڭ اتىنان تۋ ۇستاپ شىعاتىن ساڭلاقتار انىقتالدى. ولار – بوكستان ۇلتتىق قۇراما كاپيتانى اسلانبەك شىمبەرگەنوۆ پەن بيىكتىككە سەكىرۋدەن كوشباسشىمىز نادەجدا دۋبوۆيسكايا.
ەكەۋى دە قازىرگە كوپتەگەن جارىستارعا قاتىسىپ، ەلىمىزدىڭ نامىسىن ابىرويمەن قورعاي ءبىلدى. اسلانبەك 1993 جىلى 9 قازاندا جامبىل وبلىسىندا دۇنيەگە كەلگەن. ول – بوكستان الەم جانە ازيا چەمپيونى، دجاكارتاداعى جازعى ازيا ويىندارىنىڭ كۇمىس جۇلدەگەرى. ال نادەجدا 1998 جىلى 12 ناۋرىزدا سەمەي قالاسىندا دۇنيەگە كەلگەن.
ول – جابىق كەشەندەگى الەم چەمپيوناتىنىڭ قولا جۇلدەگەرى، ازيا چەمپيوناتىنىڭ جەڭىمپازى، قۇرلىق رەكوردىنىڭ يەسى.
قازىرگە دەيىن سالتاناتتى شارادا تۋ ۇستاپ شىققان سپورتشىلاردىڭ بارلىعى ازيا ويىندارى بارىسىندا جەڭىمپازدار جانە جۇلدەگەرلەر قاتارىنان كورىندى.
ولاردىڭ ءاتى-جونى مەن ناتيجەسى تومەندەگىشە:
1994 جىلى داۋلەت تۇرلىحانوۆ شرەك-ريم كۇرەسىنەن 82 كەلىدە چەمپيون اتانعان.
1998 جىلى ەرماحان يبرايموۆ. بوكستان 71 كەلىدە «التىن» الدى.
2002 جىلى بوكسشى مۇحتارحان دىلدابەكوۆ 91 كەلىدە كۇمىس جۇلدەگە قول جەتكىزگەن.
2006 جىلى بوكسشى باقتيار ارتايەۆ 75 كەلىدە ەكىنشى ورىن الدى.
2010 جىلى بوكسشى سەرىك ساپييەۆ 69 كەلىدە «التىننان» القا تاقتى.
2014 جىلى بوكسشى ادىلبەك نيازىمبەتوۆ 81 كەلىدە چەمپيون اتانعان.
2018 جىلى بوكسشى ءابىلحان امانقۇل 75 كەلىدە «كۇمىس» مەدال جەڭىپ العان.
ەل قۇراماسى قانشا جۇلدە الدى؟
قازاقستان تاۋەلسىز مەملەكەت رەتىندە العاش رەت 1994 جىلى جاپونيانىڭ حيروسيما قالاسىندا وتكەن ويىنداردا ب ا ق سىناۋعا مۇمكىندىك الدى. سودان بەرگى 7 ازيادادا كوپتەگەن جۇلدەگە قول جەتكىزدى.
1994 جىلى حيروسيما (جاپونيا) – 335 سپورتشى، 77 مەدال (25 التىن، 26 كۇمىس، 26 قولا). جالپى كوماندالىق ەسەپتە 4-ورىن؛
1998 جىلى بانگكوك (تايلاند) – 379 سپورتشى، 78 مەدال (24 التىن، 24 كۇمىس، 30 قولا). جالپى كوماندالىق ەسەپتە 5-ورىن؛
2002 جىلى پۋسان (وڭتۇستىك كورەيا) – 427 سپورتشى، 76 مەدال (20 التىن، 26 كۇمىس، 30 قولا). جالپى كوماندالىق ەسەپتە 4-ورىن؛
2006 جىلى دوحا (قاتار) – 428 سپورتشى، 85 مەدال (23 التىن، 20 كۇمىس، 42 قولا). جالپى كوماندالىق ەسەپتە 4-ورىن؛
2010 جىلى گۋانچجوۋ (جۇڭگو) – 476 سپورتشى، 79 مەدال (18 التىن، 23 كۇمىس، 38 قولا). جالپى كوماندالىق ەسەپتە 5-ورىن؛
2014 جىلى ينچحون (وڭتۇستىك كورەيا) – 439 سپورتشى، 84 مەدال (28 التىن، 23 كۇمىس، 33 قولا). جالپى كوماندالىق ەسەپتە 4-ورىن؛
2018 جىلى دجاكارتا مەن پالەنبانگ (يندونەزيا) – 419 سپورتشى، 76 مەدال (15 التىن، 17 كۇمىس، 44 قولا). جالپى كوماندالىق ەسەپتە 9-ورىن.