ازەربايجان پرەزيدەنتى يلحام الييەۆ ورتالىق ازيا مەملەكەتتەرى باسشىلارىنىڭ VI كونسۋلتاتيۆتىك كەزدەسۋىنە قاتىسۋ ءۇشىن استاناعا كەلدى. قازاقستان پرەمەر-مينيسترى ولجاس بەكتەنوۆ يلحام الييەۆتى ەلوردا اۋەجايىندا كۇتىپ الدى، دەپ حابارلايدى aqshamnews.kz.
قازاقستان مەن ازەربايجان اراسىنداعى ەكىجاقتى قاتىناستار ساۋدا-ەكونوميكالىق جانە مادەني-گۋمانيتارلىق ءوزارا ءىس-قيمىلدىڭ بارلىق سپەكترى بويىنشا دامىپ كەلەدى. وتكەن جىلدىڭ قورىتىندىسى بويىنشا قازاقستان مەن ازەربايجان اراسىنداعى تاۋار اينالىمى 14،3%-عا ارتىپ، $529،4 ملن-دى قۇرادى، بيىلعى قاڭتار-ماۋسىم ايلارىندا $280،6 ملن-عا جەتتى.
ۇكىمەتتەر مۇناي-گاز، كولىك-لوگيستيكا، سيفرلىق كوممۋنيكاسيا جانە عارىش ونەركاسىبى سالالارىندا بىرلەسكەن جوبالاردى ىسكە اسىرىپ كەلەدى. ونىڭ ىشىندە ترانسكاسپيي حالىقارالىق كولىك باعىتى شەڭبەرىندە كاسپيي تەڭىزىنىڭ تۇبىمەن تالشىقتى-وپتيكالىق بايلانىس جەلىسىن جانە تەرەڭ سۋ ەلەكتر كابەلىن تارتۋ جوبالارى بار. سونداي-اق ەكىجاقتى ىنتىماقتاستىق الەۋەتىن اشۋ ماقساتىندا بىرلەسكەن تىكەلەي ينۆەستيسيا قورى قۇرىلدى.
انىقتاما: ايماقتىق ىنتىماقتاستىقتى تەرەڭدەتۋ مەن كەڭەيتۋگە باعىتتالعان ورتالىق ازيا مەملەكەتتەرى باسشىلارىنىڭ كونسۋلتاتيۆتىك كەزدەسۋلەرى 2018 جىلدان بەرى وتكىزىلىپ كەلەدى. سوڭعى بەس جىلدا (2018-2023 جىلدار) ءوزارا ساۋدا كولەمى $5،7 ملرد-تان $11 ملرد-قا دەيىن ءوستى. قازاقستاننىڭ وا ەلدەرىمەن ساۋدا-ساتتىق كولەمى وتكەن جىلى 26،8%-عا ءوسىپ، $8 ملرد-قا جەتتى.