2025 جىلعى 1 قاڭتاردان باستاپ نىساناسى جۇمىستاردى ورىنداۋ نەمەسە قىزمەتتەر كورسەتۋ بولىپ تابىلاتىن سالىق اگەنتتەرىمەن جاسالعان ازاماتتىق-قۇقىقتىق سيپاتتاعى شارتتار بويىنشا كىرىس الاتىن جەكە تۇلعالار مىندەتتى الەۋمەتتىك ساقتاندىرۋعا جاتادى.
جاڭاشىلدىق ازاماتتاردىڭ وسى ساناتىن الەۋمەتتىك قورعاۋدى كۇشەيتۋگە مۇمكىندىك بەرەدى. اتالعان جەكە تۇلعالار الەۋمەتتىك تاۋەكەلدەردىڭ 5 ءتۇرى باستالعان كەزدە مەملەكەتتىك الەۋمەتتىك ساقتاندىرۋ قورىنان (بۇدان ءارى – ءماسق) الەۋمەتتىك تولەمدەر الا الادى.
اقس شارتتارى بويىنشا كىرىس الاتىن جەكە تۇلعالار ءۇشىن الەۋمەتتىك اۋدارىمداردى تولەۋشىلەر ءماسق-عا الەۋمەتتىك اۋدارىمداردى تولەۋدى جۇزەگە اسىراتىن سالىق زاڭناماسىندا ايقىندالعان سالىق اگەنتتەرى بولىپ تابىلادى.
الەۋمەتتىك اۋدارىمدار ستاۆكاسى الەۋمەتتىك اۋدارىمداردى ەسەپتەۋ وبەكتىسىنىڭ 5% مولشەرىندە بەلگىلەنگەن.
وسى قىزمەتكەرلەر ءۇشىن الەۋمەتتىك اۋدارىمداردى ەسەپتەۋ وبەكتىسى ءماسق-عا الەۋمەتتىك اۋدارىمدار تولەنبەيتىن كىرىستەردى قوسپاعاندا، اقس شارتى بويىنشا الىناتىن تابىس سوماسى بولىپ تابىلادى.
بۇل رەتتە ءبىر تولەۋشىدەن الەۋمەتتىك اۋدارىمداردى ەسەپتەۋدىڭ اي سايىنعى وبەكتىسى 7 ەڭ تومەنگى جالاقىدان (بۇدان ءارى – ەتج) اسپاۋعا ءتيىس.
ەگەر كۇنتىزبەلىك ايدا ءبىر تولەۋشىدەن الەۋمەتتىك اۋدارىمداردى ەسەپتەۋ وبەكتىسى ەتج-دان كەم بولعان جاعدايدا، وندا الەۋمەتتىك اۋدارىمدار ەتج-دان نەگىزگە الا وتىرىپ ەسەپتەلەدى، تولەنەدى.
ەگەر تۇلعا ءبىر تولەۋشىمەن جاسالعان ەكى جانە ودان دا كوپ اقس شارتتارى بويىنشا جۇمىستاردى ورىنداۋدان (قىزمەتتەر كورسەتۋدەن) كىرىس العان جاعدايدا، وندا الەۋمەتتىك اۋدارىمداردى ەسەپتەۋدىڭ ەڭ تومەنگى جانە ەڭ جوعارى وبەكتىسى ءبىر تولەۋشىدەن الىنعان جالپى تابىسقا قولدانىلادى.
تولەۋشىلەر ازاماتتىق-قۇقىقتىق سيپاتتاعى شارتتار بويىنشا كىرىس الاتىن جەكە تۇلعالار ءۇشىن الەۋمەتتىك اۋدارىمداردى ەسەپتەۋدى (ۇستاپ قالۋدى) جانە اۋدارۋدى تابىس الىنعان ايدان كەيىنگى ايدىڭ 25-كۇنىنەن كەشىكتىرمەي جۇزەگە اسىرادى.
وسىلايشا، ازاماتتىق-قۇقىقتىق سيپاتتاعى شارتتار بويىنشا جۇمىس ىستەيتىن ادامدار ءماسق-دان الەۋمەتتىك تاۋەكەلدەردىڭ 5 ءتۇرى تۋىنداعان جاعدايدا الەۋمەتتىك تولەمدەردى الا الادى:
- جۇمىسىنان ايىرىلۋ؛
- ەڭبەككە قابىلەتتىلىگىنەن ايىرىلۋ؛
- اسىراۋشىسىنان ايىرىلۋ؛
- جۇكتىلىككە جانە بوسانۋعا نەمەسە جاڭا تۋعان بالانى (بالالاردى) اسىراپ الۋعا بايلانىستى تابىسىنان ايىرىلۋ؛
- بالا ءبىر جارىم جاسقا تولعانعا دەيىن ونىڭ كۇتىمىنە بايلانىستى تابىسىنىڭ جوعالۋى.
اقس شارتتارى بويىنشا كىرىس الاتىن جەكە تۇلعالار ءۇشىن الەۋمەتتىك اۋدارىمداردى تولەۋ بويىنشا ءجيى قويىلاتىن سۇراقتاردىڭ جاۋاپتارىن https://www.gov.kz/memleket/entities/enbek/documents/details/788839؟lang=kk سىلتەمەسى ارقىلى وقي الاسىز.