ەلىمىز سيفرلاندىرۋ بويىنشا وزىق مەملەكەتتەر قاتارىندا.
ازاماتتارعا ەلەكتروندى قىزمەت كورسەتۋ دەڭگەيى بويىنشا قازاقستان الەمدە15-ورىندا، ال e-Goverment بويىنشا 28-ورىندا تۇر. مۇنداي دەرەكتەر بۇۇ مونيتورينگى ناتيجەسىندە بەلگىلى بولدى، دەپ حابارلايدى Almaty-akshamy.kz.
ەلەكتروندىق ۇكىمەتتى دامىتۋ رەيتينگىنە 193 مەملەكەت ەنگەن. ول تىزىمدە قازاقستان 28-ورىنعا تابان تىرەدى.
العاشقى وندىققا دانيا، فينليانديا، كورەيا، جاڭا زەلانديا، يسلانديا، شۆەسيا، اۆستراليا، ەستونيا، نيدەرلاندى جانە اقش سياقتى ەلدەر كىردى.
EGDI (E-Government Development Index) ەلەكتروندىق ۇكىمەتتى دامىتۋ يندەكسى - ونلاين قىزمەتتەردى ۇسىنۋ، تەلەكوممۋنيكاسيا جانە ادام الەۋەتى سياقتى ماڭىزدى تارماقتاردان تۇرادى.
سونداي-اق يندەكس - ينفراقۇرىلىم جانە ءبىلىم دەڭگەيىنە قولجەتىمدىلىك سيپاتتامالارىن قامتىپ، حالىقتىڭ اقپاراتتىق تەحنولوگيالاردى قالاي پايدالاناتىنىن تالدايدى.
EPI (E-Participation Index، EPI) يندەكسى، EGDIء-دى تولىقتىرادى. بۇل ازاماتتاردىڭ سۇراۋى بار نەمەسە سۇراۋسىز اشىق اقپاراتقا قولجەتىمدىلىگىن كورسەتەدى. بۇل يندەكس بويىنشا قازاقستان 15-ورىندى يەلەندى.
بۇل كورسەتكىشتەرگە مەملەكەتتىك قىزمەتتى ەلەكتروندى فورماتتا الۋ، ءموبيلدى قوسىمشالار مەن ونلاين تولەمدەر اسەر ەتەدى.
ايتا كەتەيىك، 14 قازاندا سيفرلىق دامۋ، يننوۆاسيالار جانە اەروعارىش ونەركاسىبى ءمينيسترى باعدات مۋسين مەملەكەتتىك قىزمەت كورسەتۋ ماسەلەسى بويىنشا كەڭەس وتكىزگەن بولاتىن، وندا مەملەكەتتىك قىزمەتتەردى QR ارقىلى الۋ ماسەلەسى قارالعان ەدى.