بۇل تۋرالى تجم ازاماتتىق قورعانىس كوميتەتىنىڭ ءتوراعاسى، پولكوۆنيك باۋىرجان سىزدىقوۆ مالىمدەدى، دەپ حابارلادى اlmaty-akshamy.kz BAQ.KZ-كە سىلتەمە جاساپ.
سوڭعى ۋاقىتتا سمارتفوندارعا جۇكتەلگەن ءموبيلدى قوسىمشالار حالىق اراسىندا كەڭىنەن قولدانىلادى. سونىڭ ىشىندە ءارتۇرلى سالالار بويىنشا انىقتامالىق اقپارات الۋ جانە ونلاين وقىتۋ ءۇشىن پايدالانادى. تجم وسى زاماناۋي ءۇردىستى ەسكەرە وتىرىپ، ءوز جۇمىسىندا ءموبيلدى قوسىمشالاردى بەلسەندى قولدانۋدا، ولاردىڭ ءبىرى – «Darmen» قوسىمشاسى، – دەدى سىزدىقوۆ وكق-دا وتكەن بريفينگتە.
سىزدىقوۆتىڭ اتاپ وتۋىنشە، ازاماتتار بۇل قوسىمشا ارقىلى تراسسالاردىڭ جابىلۋى/اشىلۋى، وقۋ ورىندارىنداعى ساباقتاردىڭ توقتاتىلۋى، ت.ب ەسكەرتۋلەردى الدىن الا بىلە الادى.
«Darmen» قوسىمشاسىنا «ازاماتتىق قورعانىس» قوسىمشاسى بىرىكتىرىلگەن، ول سىزگە ءقاۋىپسىز ءجۇرىپ-تۇرۋ، ازاماتتىق قورعانىستى ۇيىمداستىرۋ جانە جۇرگىزۋ ەرەجەلەرىمەن تۇسىنىكتى جادىنامالار مەن نۇسقاۋلار تۇرىندە تانىسۋعا مۇمكىندىك بەرەدى.