بۇل جايلى ق ر پرەمەر-مينيسترى ءاليحان سمايىلوۆ ايتتى.
ازاماتتار تىركەۋ ورنىن اۋىستىرعان كەزدە اۆتوماتتى تۇردە اسكەري ەسەپكە قويىلاتىن بولادى. سەنات دەپۋتاتتارىنىڭ ساۋالىنا جاۋاپ بەرگەن ق ر ۇكىمەت باسشىسى ءاليحان سمايىلوۆ وسىلاي دەپ مالىمدەدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«جەرگىلىكتى اسكەري باسقارۋ ورگانىنىڭ جەكە تۇلعالاردىڭ مەملەكەتتىك دەرەك بازاسىمەن ينتەگراسيالاۋ ەسەبىنەن ازاماتتاردى اسكەري ەسەپكە قويۋ جانە ودان شىعارۋ جونىندەگى مەملەكەتتىك قىزمەت ەل ىشىندە ورىن اۋىستىرۋ كەزىندە سيفرلىق فورماتتا كورسەتىلەدى. اسكەري ەسەپكە الۋ ورنى تۋرالى مالىمەتتەر پايدالانۋشىنىڭ جەكە كابينەتىندە كورسەتىلەدى. قازىرگى ۋاقىتتا قورعانىس مينيسترلىگى سيفرلىق دامۋ، يننوۆاسيالار جانە اەروعارىش ونەركاسىبى مينيسترلىگىمەن بىرلەسىپ، ازاماتتار تىركەۋ ورنىن اۋىستىرعان كەزدە، اۆتوماتتى تۇردە اسكەري ەسەپكە قويۋدى ىسكە اسىرۋ جانە وسى كورسەتىلەتىن قىزمەتتى مەملەكەتتىك كورسەتىلەتىن قىزمەتتەر تىزىلىمىنەن الۋ بويىنشا ءىس-شارالار قابىلداۋدا»، – دەپ اتاپ ءوتتى ءاليحان سمايىلوۆ جاۋابىندا.