ياعني، ەندى جەڭىلدىكپەن كولىك الۋ مۇمكىندىگى بەرىلمەيدى.
بۇل تۋرالى يندۋستريا جانە ينفراقۇرىلىمدىق دامۋ ءمينيسترى مارات قارابايەۆ ءمالىم ەتتى، دەپ حابارلايدى Almaty-akshamy.kz.
«4 پايىزدىق اۆتونەسيە باعدارلاماسىن قايتا جاڭارتۋدى جوسپارلاپ وتىرمىز. اۆكولىكتەردى نەسيەلەۋ باعىتىن اۆتوبۋستاردى نەسيەلەۋگە اۋىستىرماقشىمىز. ءبىز بىرنەشە وڭىرگە باردىق، تالدىقورعاندا، ورالدا بولدىق. بۇكىل رەسپۋبليكا بويىنشا 10525 اۆتوبۋس بار. ولاردىڭ كوپشىلىگى توزعان. ماسەلەن، قوستانايدا قوعامدىق كولىكتەردىڭ 90 پايىزدان استامى توزعان. ال ولار مەن تالدىقورعاندا 70 پايىزىنىڭ توزىعى جەتكەن. قوعامدىق كولىكتەردى كۇنىنە 9 ملن 300 مىڭ قازاقستاندىق پايدالانادى ەكەن. سوندىقتان وسى باعىتقا باسىمدىق بەرۋدى ءجون كوردىك»، – دەدى مينيستر.
قارابايەۆ ەل ازاماتتارىنا بۇدان بۇلاي جەڭىلدىكپەن كولىك الۋ مۇمكىندىگى بەرىلمەيتىنىن اتاپ ءوتتى.
«ازاماتتار كولىكتى ءوز اقشاسىنا الادى»، – دەپ ناقتىلادى ول.