11 وبلىس پەن رەسپۋبليكالىق ماڭىزى بار 3 قالادا تۇراتىن ااك پەن تۇرعىن ءۇي كومەگىن الۋشىلار ءۇشىن «قازترانسگاز ايماق» اق-داعى گازدى ساتۋدىڭ بولشەك باعالارى 20%-عا تومەن.
تۇرعىن ءۇي كومەگىنە مۇقتاج از قامتىلعان ازاماتتار مەن اتاۋلى الەۋمەتتىك كومەك الۋشىلار تومەندەتىلگەن باعامەن گاز الا الادى، دەپ حابارلايدى Almaty-akshamy.kz.
قاراعاندى وبلىسىندا 1 تەكشە مەتر گازدىڭ باعاسى 36،4 تگ، ال ااك جانە تۇرعىن ءۇي كومەگىن الۋشىلار ءۇشىن - 29،1 تگ قۇراپ وتىر. تۇركىستان وبلىسى مەن شىمكەنتتە 1 تەكشە مەتر گاز 29،1 تەڭگە تۇرسا، ال اتالعان كومەك تۇرلەرىن الاتىندار ءۇشىن - 23،2 تەڭگە بولىپ بەلگىلەنگەن.
بىلتىر ەلىمىزدە اتاۋلى الەۋمەتتىك كومەك 990،5 مىڭ ادامعا تاعايىندالدى. ولاردىڭ باسىم بولىگى تۇركىستان وبلىسى (237،5 مىڭ ادام)، شىمكەنت قالاسى (225،8 مىڭ ادام) جانە الماتى وبلىسىنىڭ (115،1 مىڭ ادام) تۇرعىندارى.
الەۋمەتتىك تولەمدەردىڭ ەڭ جوعارى ورتاشا ايلىق مولشەرى استانا (8،4 مىڭ تگ)، شقو (8،4 مىڭ تگ) مەن الماتىدا (8،1 مىڭ تگ) تىركەلدى.
مەملەكەتتىك تۇرعىن ءۇي كومەگىن الۋشى وتباسىلار سانى 32،2 مىڭدى قۇرادى. ولاردىڭ ەڭ كوپ سانى قىزىلوردا (4،6 مىڭ)، شىعىس قازاقستان (4،1 مىڭ) جانە جامبىل (4 مىڭ) وبلىستارىندا.
2021 جىلعى تۇرعىن ءۇي كومەگىنىڭ ورتاشا مولشەرى – 3،3 مىڭ تەڭگە. ەڭ جوعارى كورسەتكىشتەر ماڭعىستاۋ (8،4 مىڭ تەڭگە)، قىزىلوردا (6 مىڭ تەڭگە)، تۇركىستان وبلىستارىندا (6 مىڭ تەڭگە) تىركەلدى.