الماتى اكىمدىگى «اۆتوترانسگاز» ءجشس-نىڭ بارلىق باعىتىن باسقا تاسىمالداۋشىلارعا بەردى: كومپانيا قىزمەتىن مەرزىمىنەن بۇرىن توقتاتتى
2023 جىلدىڭ 24 شىلدەسىنەن باستاپ «اۆتوترانسگاز» ج ش س قىزمەت كورسەتكەن سەگىز مارشرۋت ءتورت تاسىمالداۋشىعا كوشتى. الماتى اكىمدىگى جۇمىس كۇنى مارشرۋتتاردىڭ توقتاۋىن بولدىرماۋ ءۇشىن وسى كومپانيانىڭ جولاۋشىلار تاسىمالى سالاسىنداعى قىزمەتىن مەرزىمىنەن بۇرىن توقتاتۋىنا بايلانىستى وسىنداي جەدەل شارا قولدانۋعا ءماجبۇر بولدى، دەپ حابارلايدى Almaty-akshamy.kz.
اۆتوترانسگاز» كومپانياسى قالالىق جولاۋشىلار تاسىمالى نارىعىنداعى قىزمەتىن بيىل 24 شىلدەدەن باستاپ توقتاتتى، بۇل سوت تالقىلاۋى قالا اكىمدىگىنىڭ پايداسىنا شەشىلگەن سوڭ ورىندالدى.
بۇرىن حابارلانعانداي، مىندەتتەمەلەرىن ورىنداماۋىنا بايلانىستى وسى ۇيىمعا تالاپ قويىلعان. كومپانيانىڭ بارلىق مارشرۋتىندا تولىق قىزمەت كورسەتىلمەي، تاسىمالداۋ ساپاسىنا تەرىس اسەر ەتتى. جولاۋشىلار تاراپىنان اۆتوبۋستاردىڭ جاي-كۇيىنە، ءجۇرىس ارالىعىنا جانە تەحنيكالىق سەبەپپەن قوزعالىسقا شىقپاۋىنا قاتىستى قيسىندى سىن ايتىلدى. بۇل رەتتە، اكىمدىكتىڭ سۋبسيديا تولەۋ جونىندەگى بارلىق مىندەتتەمەسى تولىق كولەمدە ورىندالدى.
الماتى قالالىق موبيلدىلىك باسقارماسى قولدانىستاعى تاسىمالداۋشىلار اراسىندا باعىتتاردى ۋاقىتشا ءبولۋ بويىنشا جەدەل شارالار قابىلدادى. سونىڭ ناتيجەسىندە سەگىز باعىت قالانىڭ ءتورت تاسىمالداۋشىسىنا بەرىلدى، قاجەت بولعان جاعدايدا جىلجىمالى بىرلىكتەر كەزەڭ-كەزەڭىمەن كوبەيتىلەدى.
ماسەلەن، №112 مارشرۋتتا «الماتىەلەكتروترانس» ج ش س 5 اۆتوبۋستىڭ ورنىنا 10 اۆتوبۋس شىعارادى. سونىمەن قاتار، كوممۋنالدىق اۆتوپارككە №126، 16 جانە №3 مارشرۋتتار بەرىلدى، وندا جەلىدە تيىسىنشە 8، 9 جانە 2 اۆتوبۋس جۇرەدى.
«دۋمانترانسكوم» كومپانياسىنا №29ر (2 اۆتوبۋس) جانە №47 (12 اۆتوبۋستىڭ ورنىنا 16 اۆتوبۋس) باعىتتارى بەرىلدى.
№29 مارشرۋت «ەكوباس» جەكە تاسىمالداۋشىسىنا بەرىلدى، ول جەلىگە 12 اۆتوبۋس شىعارادى.
№85 مارشرۋتتا ەندى «اۆتوالماترانس» ج ش س قىزمەت كورسەتەدى، ول 10 اۆتوبۋستى ىسكە قوستى.
وسىلايشا، قازىرگى ۋاقىتتا الماتىدا 24 كومپانيا جولاۋشىلار تاسىمالىمەن اينالىسادى.
ايتا كەتەيىك، بيىل 600 گازبەن جۇرەتىن اۆتوبۋس ساتىپ الۋ جوسپارلانعان، ونىڭ 100ء-ى قۇجاتتاردى راسىمدەۋدەن ءوتىپ جاتىر جانە جاقىن ارادا پايدالانۋعا بەرىلەدى. قالعان اۆتوبۋستاردى جەتكىزۋ بيىل جىل سوڭىنا دەيىن كوزدەلگەن. جاڭا اۆتوبۋستاردىڭ كەلۋىنە قاراي قالانىڭ قولدانىستاعى جانە ەڭ كوپ جۇرەتىن باعىتتارىن جاڭارتۋ جانە اۆتوبۋس سانىن كوبەيتۋ جوسپارعا ەنگەن.