اۆتوكولىك ساتاتىن ورتالىقتاردا قوسىمشا جابدىق الۋعا ماجبۇرلەۋى زاڭسىز سانالادى.
بۇل تۋرالى ساۋدا جانە ينتەگراسيا مينيسترلىگى تۇتىنۋشىلاردىڭ قۇقىقتارىن قورعاۋ كوميتەتىنەن ءمالىم بولدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«قازىرگى كەزدە بۇقارالىق اقپارات قۇرالدارىندا جانە ينتەرنەت-رەسۋرستاردا اۆتوكولىك ساتاتىن ورتالىقتاردان اۆتوموبيل ساتىپ الۋ كەزىندە ولاردىڭ قوسىمشا جابدىق الۋعا ماجبۇرلەۋى تۋرالى كوپ ايتىلىپ ءجۇر. وسى ورايدا كولىك وتكىزەتىندەردىڭ بۇل ارەكەتتەرى زاڭسىز سانالاتىنىن جانە «تۇتىنۋشىلاردىڭ قۇقىقتارىن قورعاۋ تۋرالى» زاڭنىڭ تالاپتارىنا قايشى كەلەتىنىن حابارلايمىز»، - دەلىنگەن ۆەدومستۆو مالىمەتىندە.
بۇل تۇرعىدا كولىك الاتىن ادامدار وسىنداي جاعدايدا ءتيىستى وكىلەتتى ورگانعا ءوتىنىش تاستاۋى كەرەك.
«ەگەر اۆتوكولىك ساتىپ الاتىندار وسىنداي جاعدايعا تاپ بولسا، تۇتىنۋشىلاردىڭ قۇقىقتارىن قالپىنا كەلتىرۋ ءۇشىن اۆتوكولىك ورتالىعىنىڭ اتاۋىن كورسەتە وتىرىپ، ق ر ساۋدا جانە ينتەگراسيا مينيسترلىگى تۇتىنۋشىلاردىڭ قۇقىقتارىن قورعاۋ كوميتەتىنىڭ نۇر-سۇلتان قالاسىنداعى تۇتىنۋشىلاردىڭ قۇقىقتارىن قورعاۋ دەپارتامەنتىنە جۇگىنۋدى سۇرايمىز»، - دەپ اتالىپ وتكەن حابارلامادا.
وسى ورايدا https://eotinish.kz، https://e-tutynushy.kz/، telegram: @kzpp_bot رەسۋرستارىندا بارلىق قاجەتتى مالىمەتتەردى (فوتو، بەينە، تۇبىرتەك) تىركەي وتىرىپ، ساۋالداردى رەسمي تۇردە جىبەرۋگە بولادى. سونىمەن قاتار، باسقا دا سۇراقتار بويىنشا +7 (7172) 74-98-32، 74-98-36، 75-06-49 تەلەفون نومىرلەرىنە حابارلاسۋ مۇمكىندىگى بار.
ال وبلىستىق تۇتىنۋشىلاردىڭ قۇقىقتارىن قورعاۋ دەپارتامەنتتەرىنەن مىنا سىلتەمەدە كورسەتىلگەن دەرەكتەر بويىنشا كەڭەس الۋعا بولادى.