ءبىر قوراپ تەمەكى 300-350 تەڭگە بولۋى مۇمكىن.
الداعى جىلدارى اكسيزدەردىڭ كوتەرىلۋىنە وراي تەمەكى باعاسى وسەدى. بۇل تۋرالى ق ر پرەمەر-مينيسترىنىڭ ورىنباسارى – قارجى ءمينيسترى ەرۇلان جاماۋبايەۆ ءمالىم ەتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«2024 جىلعا دەيىن تەمەكىگە اكسيز مولشەرلەمەسىن 35 ەۋروعا كوتەرۋدى جوسپارلاپ وتىرمىز. ياعني مىڭ دانا تەمەكىگە شامامەن 16 مىڭ تەڭگە بولادى. بۇل رەتتە ەسەپتەپ كورسەك، ءبىر قوراپ تەمەكى ءۇشىن 300-350 تەڭگە شىعادى»، - دەدى ەرۇلان جاماۋبايەۆ.
بۇدان بولەك ول قۇرامىندا قانتى بار سۋسىندارعا قاتىستى ۇكىمەت دەڭگەيىندە تالقىلاۋ ءجۇرىپ جاتقانىن ايتتى.
«وسى ورايدا تالقىلاۋلار قورىتىندىسى بويىنشا ءتيىستى مالىمەتتى جاريالاپ، پارلامەنتكە كەلەمىز. ءبىز ءۇشىن ءتيىستى تەڭگەرىمدى ساقتاۋ كەرەك، ياعني ۇلت دەنساۋلىعى باستى ماسەلە بولىپ سانالادى. سونىمەن قاتار، كاسىپورىندار دا زارداپ شەكپەۋى كەرەك، بۇل كاسىپپەن شاعىن جانە ورتا بيزنەس اينالىسادى. سوندىقتان وسىنىڭ بارلىعىن ەگجەي-تەگجەيلى پىسىقتايمىز»، - دەدى ەرۇلان جاماۋبايەۆ.
بۇدان بۇرىن حابارلانعانداي، تەمەكى بويىنشا كەلىسىم راتيفيكاسيالانعان جانە 2024 جىلعا قاراي مىڭ دانا تەمەكىگە اكسيز تەڭگەلىك ماندە 35 ەۆروعا دەيىن ارتادى.