ءتورت پايىزدىق اۆتونەسيە ءوتىنىمىن قابىلداۋعا ارنالعان autonesie.kz سايتىنا ءبىر مينۋتتا 125 مىڭ ادام كىرگەن. «ونەركاسىپتى دامىتۋ قورىنىڭ» باسپا ءسوز قىزمەتى وسىنداي مالىمەت تاراتتى، دەپ حابارلايدى Almaty-akshamy.kz. قازاقپاراتقا سىلتەمە جاساپ.
«پلاتفورما ىسكە قوسىلعان العاشقى مينۋتتىڭ ىشىندە autonesie.kz سايتىنا 125 مىڭ ادام كىردى»، - دەپ جازىلعان مالىمەتتە.
بۇعان دەيىن جەڭىلدەتىلگەن اۆتونەسيەگە وتىنگىم قابىلداۋدىڭ العاشقى لەگىندە 761 ادام ءوتىنىش بەرە الاتىنى ايتىلعان بولاتىن.
«761 قازاقستاندىق ءوز وتىنىمدەرىن پلاتفورما جۇمىسىن باستاعان العاشقى 18 سەكۋندتىڭ ىشىندە بەرىپ ۇلگەردى. ءوتىنىم قابىلداۋ ساعات 10.00-دە باستالسا، العاشقى مينۋتتىڭ شىشىندە 125 مىڭ ادام كىردى»، - دەلىنگەن باسپا ءسوز حابارلامادا.
«Autonesie.kz جۇكتەمەنى ەڭسەرىپ، وتىنىمدەر پۋلىنىڭ قالىپتاسۋىن قامتاماسىز ەتتى. ليميتكە جەتكەننەن كەيىن وتىنىمدەردى قابىلداۋ اۆتوماتتى تۇردە اياقتالىپ، «ءوتىنىش بەرۋ» فۋنكسياسى توقتاتىلدى.
ءوتىنىش بەرۋ پروسەسىندە كەيبىر پايدالانۋشىلار اۆتوموبيل ءوندىرۋشىسىن تاڭداي الماي جاتتى. بۇل سونىمەن قاتار ءوتىنىم ليميتىنە قول جەتكىزۋمەن بايلانىستى»، - دەپ جازىلعان رەسمي مالىمەتتە.