پرەمەر-مينيستر ءاليحان سمايىلوۆ ءماجىلىس دەپۋتاتتارىنىڭ ءاۆتوموبيلدى باستاپقى تىركەۋ الىمىن تومەندەتۋگە قاتىستى ساۋالىنا جاۋاپ بەردى، دەپ حابارلايدى Almaty-akshamy.kz.
«باستاپقى تىركەۋ الىمىن الۋ ەسكى جانە ەكولوگياعا ساي كەلمەيتىن اۆتوموبيلدەردى شەتتەن اكەلۋدى رەتتەۋ ءۇشىن ءتيىمدى تەتىك سانالادى. مۇنان بولەك، رەسەي فەدەراسياسىندا، بەلارۋس رەسپۋبليكاسىندا (مەنشىكتى اۆتوموبيل ءوندىرىسى بار ەاەو-عا قاتىسۋشى ەلدەر)، سونداي-اق وزبەكستان رەسپۋبليكاسىندا باستاپقى تىركەۋ الىمى قىزمەتىن سارالانعان ۋتيلالىم اتقارادى. ول قوزعالتقىش كولەمىنە دە، كولىكتىڭ شىعارىلعان جىلىنا دا قاتىستى ەسەپتەلىنەدى. جوعارىدا ايتىلعاندى ەسكەرە وتىرىپ، شىعارىلعانىنا 3 جىلدان اساتىن اۆتوموبيلدەرگە قاتىستى باستاپقى تىركەۋ الىمىن تومەندەتۋ ماقساتقا ساي كەلمەيدى دەپ ەسەپتەيمىز»، - دەپ اتاپ وتەدى ۇكىمەت باسشىسى جاۋابىندا.