كولىككە گاز-باللوندى جابدىق ورناتۋ كەزىندە قاۋىپسىزدىك ەرەجەلەرىن بۇزۋ فاكتىلەرىنە قاتىستى جاۋاپكەرشىلىك كۇشەيتىلەتىن بولادى، دەپ حابارلايدى اlmaty-akshamy.kz.
پرەمەر-مينيستر ۇكىمەت وتىرىسى بارىسىندا سۇيىتىلعان مۇناي گازىن وتىن رەتىندە پايدالاناتىن اۆتوكولىكتەرگە گاز-باللوندى جابدىق ورناتۋ كەزىندە زاڭنامانى بۇزۋ فاكتىلەرى سانىنىڭ ارتۋى ماسەلەسىن كوتەردى.
ولجاس بەكتەنوۆ مۇنداي جاعدايلار ازاماتتاردىڭ ومىرىنە ءقاۋىپ توندىرەتىنىن اتاپ ءوتتى. سوندىقتان ىشكى ىستەر جانە ەنەرگەتيكا مينيسترلىكتەرىنە كولىكتى قايتا جابدىقتاۋ جانە تەحپاسپورتتا ءتيىستى بەلگىنىڭ بولماۋىنا بايلانىستى كاسىپكەرلەردىڭ جاۋاپكەرشىلىگىن كۇشەيتۋ جونىندە شارالار قابىلداۋ تاپسىرىلدى.