اۆتوموبيل جولدارىنىڭ جاي-كۇيىن باقىلاۋدىڭ تيىمدىلىگىن سيفرلىق شەشىمدەردى ەنگىزۋ ارقىلى ارتتىرۋ ماقساتىندا كولىك مينيسترلىگىنە قاراستى جول اكتيۆتەرى ساپاسىنىڭ ۇلتتىق ورتالىعى سىناق زەرتحانالارىندا جۇمىس ىستەيتىن قىزمەتكەرلەردى وقىتۋعا ارنالعان ۆيرتۋالدى ترەناجەردى ازىرلەپ جاتىر.
بۇل شارا ءوز كەزەگىندە جاڭا ادىستەر مەن تەحنولوگيالاردى يگەرۋگە، مامانداردىڭ داعدىلارىن جەتىلدىرۋگە، سونداي-اق قاۋىپسىزدىك ەرەجەلەرىن ساقتاۋ بويىنشا بىلىكتىلىكتەرىن ارتتىرۋعا كومەكتەسەدى.
ءبىلىم الۋشى ترەناجەردىڭ كومەگىمەن 5-10 مينۋتتىڭ ىشىندە جولدار مەن ماتەريالداردىڭ ساپاسىن تەكسەرۋ كەزىندە بىرنەشە كۇن جۇرگىزىلەتىن بارلىق كەزەڭدى بىردەن كورىپ وتە الادى.
اتالعان ازىرلەمەنى ەنگىزە وتىرىپ، جول اكتيۆتەرى ساپاسىنىڭ ۇلتتىق ورتالىعى ءوزىنىڭ بارلىق وڭىردەگى فيليالدارىندا جۇمىس ىستەيتىن قىزمەتكەرلەرىن جۇيەلى تۇردە ەمتيحاندىق تەستىلەۋدەن وتكىزۋدى جوسپارلاپ وتىر.
وقىتۋدىڭ مۇنداي ءتاسىلى اۆتوجول سالاسىنداعى قىزمەتكەرلەردىڭ كاسىبي دەڭگەيىن ايتارلىقتاي ارتتىرادى دەپ كۇتىلۋدە.