قورعانىس مينيسترلىگى «قازاقستان رەسپۋبليكاسىندا مەملەكەتتىك اۆياسياداعى اۆياسيالىق وقيعالار مەن وقىس وقيعالاردى تەرگەپ-تەكسەرۋ قاعيدالارىن بەكىتۋ تۋرالى» قازاقستان رەسپۋبليكاسى قورعانىس ءمينيسترىنىڭ 2015 جىلعى 18 ناۋرىزداعى № 145 بۇيرىعىنا وزگەرىستەر ەنگىزۋ تۋرالى» قورعانىس ۆەدومستۆوسى باسشىسى بۇيرىعىنىڭ جوباسىن ازىرلەدى.
قورعانىس مينيسترلىگىنىڭ قازاقستان رەسپۋبليكاسى مەملەكەتتىك اۆياسياسىنىڭ ۇشۋ قاۋىپسىزدىگى دەپارتامەنتى نورماتيۆتىك قۇقىقتىق اكتىلەرگە تۇراقتى نەگىزدە مونيتورينگ جۇرگىزەدى، دەپ حابارلايدى aqshamnews.kz.
وزگەرىستەر نورمالاردى قولدانىستاعى زاڭناماعا سايكەس كەلتىرۋ، پروفيلاكتيكالىق ءىس-شارالاردىڭ تيىمدىلىگىن ارتتىرۋ، اۆياسيالىق وقيعالار مەن وقىس وقيعالاردى جىكتەۋ مەن ەسەپكە الۋ ءتارتىبىن جەتىلدىرۋ ماقساتىندا ەنگىزىلەدى.
بۇيرىق جوباسىنىڭ تولىق ماتىنىمەن «ەلەكتروندىق ۇكىمەت» پورتالىندا «اشىق نقا» بولىمىندە بيىلعى جىلدىڭ 12 قاراشاسىنا دەيىن مىنا سىلتەمە بويىنشا تانىسۋعا بولادى: https://legalacts.egov.kz/npa/view؟id=15258203