قازاقستان رەسپۋبليكاسىنىڭ پرەمەر-مينيسترى ءاليحان سمايىلوۆتىڭ توراعالىعىمەن وتكەن ۇكىمەت وتىرىسىندا ازاماتتىق اۆياسيا سالاسىن ودان ءارى دامىتۋ شارالارى قارالدى، دەپ حابارلايدى Almaty-akshamy.kz.
«ەلىمىزدىڭ كەيبىر اۋەجايلارىندا ۇشۋ-قونۋ جولاقتارىنا جوندەۋ جۇرگىزۋ كەرەك. تراپتار مەن جانارماي قۇيۋ ماشينالارى سياقتى ارنايى تەحنيكالاردىڭ كوبى ەسكىرگەن. اۋەجايلاردىڭ اينالاسىنداعى جەرلەر تۇرعىن ءۇي قۇرىلىسىنا نەمەسە بيزنەس نىساندارىنا بەرىلىپ، رەتسىز پايدالانىلۋدا. ياعني، حالىقارالىق ستاندارتتار ساقتالمايدى. بۇل ۇشۋ قاۋىپسىزدىگىنە اسەر ەتەدى»، — دەدى ءاليحان سمايىلوۆ.
ونىڭ ايتۋىنشا، ۇكىمەتتە اۆياكەروسين ءوندىرىسىن ۇلعايتۋ ماسەلەسى بىرنەشە رەت تالقىلانعان، سەبەبى وتاندىق جانارمايدىڭ جەتكىلىكتى قورى قازاقستان ارقىلى ترانزيتپەن وتەتىن حالىقارالىق اۆياكومپانيالاردى تارتۋدىڭ نەگىزگى فاكتورلارىنىڭ ءبىرى بولىپ تابىلادى.
پرەمەر-مينيستر وتاندىق اۆياكومپانيالارعا قاتىستى جولاۋشىلار تاراپىنان ورىندى سىن-ەسكەرتۋلەر ايتىلاتىنىن اتاپ ءوتتى. ماسەلەن، رەيستەردىڭ كەشىگۋى نەمەسە مۇلدەم ورىندالماي قالۋىنا بايلانىستى شاعىمدار كوپ.
«وسى جىلدىڭ قاڭتار-اقپان ايلارىندا Fly Arystan كومپانياسى قوستاناي اۋەجايىنان استانا مەن الماتىعا ۇشۋى ءتيىس رەيستەردىڭ جارتىسىنا جۋىعىن ورىنداعان جوق. 25 اقپاندا ءدال وسى اۆياكومپانيانىڭ جولاۋشىلارى «استانا-شىمكەنت» رەيسىنىڭ 10 ساعاتقا كەشىگۋىنە بايلانىستى جانجال شىعاردى. اقىر اياعىندا، ول رەيس مۇلدەم ورىندالماي قالدى. وكىنىشكە قاراي، اۆياكومپانيالاردا جولاۋشىلارمەن تىكەلەي ديالوگ ورناتۋ مادەنيەتى تومەن. رەيستەردىڭ كەشىگۋ سەبەپتەرىن ۋاقىتىلى تۇسىندىرمەيدى. لايىقتى سەرۆيس ۇسىنىلمايدى»، — دەپ اتاپ ءوتتى ۇكىمەت باسشىسى.
وسىعان بايلانىستى باعا ساياساتىندا دا كوپتەگەن سۇراق تۋىندايدى. مىسالى، استانادان الماتىعا دەيىن لوۋكوستەرمەن 1،5 ساعاتتىق ۇشۋ ەۋروپا، اقش نەمەسە جۇڭگو ەلدەرىندەگى وسىنداي مارشرۋتتارمەن سالىستىرعاندا 2 ەسە قىمبات بولۋى مۇمكىن. وسىعان بايلانىستى باسەكەلەستىكتى قورعاۋ جانە دامىتۋ اگەنتتىگى قازىرگى باعا ساياساتى جولاۋشىلاردىڭ مۇددەسىنە ەمەس، اۆياكومپانيالاردىڭ تابىسىن ارتتىرۋ ءۇشىن جۇمىس ىستەپ وتىر دەپ سانايدى.
«بۇگىندە جانارماي شىعىندارىن وتەۋگە جۇمسالاتىن وتىن الىمى لوگيكا بويىنشا اۆياوتىن باعاسىنىڭ وزگەرۋىنە بايلانىستى بولۋى ءتيىس. الايدا، ول بيلەت باعاسىندا وزگەرىسسىز، ءبىر دەڭگەيدە قالىپ وتىر. سوندىقتان، باعا ساياساتىن قايتا قاراپ، اۆياتاسىمال سەرۆيسى مەن قىزمەت كورسەتۋ ساپاسىن جاقسارتۋ ءۇشىن ۇنەمى جۇمىس ىستەۋ كەرەك. جولاۋشىلاردىڭ مۇددەسى ءبىرىنشى ورىندا تۇرۋى ءتيىس»، — دەدى پرەمەر-مينيستر.
ءاليحان سمايىلوۆ ۋاكىلەتتى مەملەكەتتىك ورگاندارعا: