ءتورتىنشى راۋندت نوكداۋن، بەسىنشى راۋندتا نوكاۋت
گەرمانيانىڭ گامبۋرگ قالاسىندا وتكەن بوكس كەشىندە قازاقستاندىق بوكسشى جان كوسوبۋسكيي جەكپە-جەككە شىقتى، دەپ حابارلايدى Almaty-akshamy.kz.
جەرلەسىمىز بۇعان دەيىن ەشكىمنەن جەڭىلىپ كورمەگەن دومينيكاندىق الەكسيس گارسيامەن ولعاپ ءتۇيىستىردى. سۋپەر اۋىر سالماقتاعى جەكپە-جەك ون راۋندتقا ەسەپتەلگەن، الايدا كوسوبۋسكيي بىردەن ءوزىنىڭ باسىمدىعىن بايقاتتى. ءتورتىنشى راۋندتا وتانداسىمىز قارسىلاسىن نوكداۋنعا جىبەردى، ال بەسىنشى راۋندتا تەحنيكالىق نوكاۋتپەن جەڭىسكە جەتتى.
وسىلايشا جان كوسوبۋسكيي ءوزىنىڭ كاسىبي بوكستاعى 17ء-شى جەڭىسىنە قول جەتكىزىپ، بوس تۇرعان WBC International Silver چەمپيوندىق تيتۋلىن يەلەندى. ال، ونىڭ قارسىلاسى الەكسيس گارسيا كاسىبي بوكستا العاش رەت جەڭىلىس تاپتى.
ايتا كەتسەك، جان كوسوبۋسكيي بۇعان دەيىن IBO Inter-Continental جانە WBA International چەمپيوندىق بەلبەۋلەرىن جەڭىپ العان بولاتىن.
بۇعان دەيىن تاعى ءبىر وتانداسىمىز جانىبەك ءالىمحان ۇلىنىڭ لاس-ۆەگاستا وتكەن بوكس كەشىندە جەڭىسكە جەتكەنىن حابارلاعانبىز.