قازاقستاندىق بوكسشى ايدوس ەربوسىن ۇلىنىڭ (16-1، 11 كو) WBA تۇجىرىمى بويىنشا سۋپەر ورتا سالماقتاعى الەم چەمپيونى اتاعى ءۇشىن جەكپە-جەكتە اۋىر جەڭىلىسىنەن كەيىنگى جاعدايى بەلگىلى بولدى، دەپ حابارلايدى Almaty-akshamy.kz.
ەربوسىن ۇلى كۋبالىق ديەۆيد موررەلمەن (8-0، 7 كو) جەكپە-جەگىندە 12-راۋندتا نوكاۋتپەن ۇتىلعان ەدى. Suleimen promotions قازاقستاندىق بوكسشىنىڭ قازىرگى جاعدايى تۋرالى مالىمدەمە جاسادى.
«جاعىمدى جاڭالىق. ءبىزدىڭ باتىرىمىز، ەكىنشى ورتا سالماقتاعى بوكسشى ايدوس ەربوسىن ۇلى وتادان سوڭ قارقىندى تەراپيا بولىمىنەن قاراپايىم پالاتاعا اۋىستىرىلدى.
اقش-تاعى كومپانيا وكىلىنىڭ حابارلاۋىنشا، بوكسشىنىڭ دەنساۋلىعى ەداۋىر جاقسارعان. وتانداسىمىز ءالى دە بولسا دارىگەرلەردىڭ باقىلاۋىندا بولماق. باتىرىمىزعا قولداۋ بىلدىرەيىك»، - دەپ جازدى ۆەدومستۆو.