سپورتتاعى ادىلەتسىزدىك تۋرالى وتىنىشتەر كوبەيگەن
تالدىقورعاندا اۋىر اتلەتيكادان جاتتىقتىرۋشىلار كەڭەسىنىڭ وتىرىسى ءوتتى. بۇل تۋرالى ق ر مادەنيەت جانە سپورت مينيسترلىگىنىڭ باسپا ءسوز قىزمەتىنەن ءمالىم ەتتى، دەپ حابارلايدى Almaty-akshamy.kz.
وتىرىس بارىسىندا اۋىر اتلەتيكادان قازاقستان قۇراماسىنىڭ باس باپكەرى بولىپ داۋرەن بەكمۇحانبەتوۆ سايلاندى.
وتىرىس بارىسىندا جاتتىقتىرۋشىلار كەڭەسىنىڭ باسىم كوپشىلىك داۋىسىمەن داۋرەن بەكمۇحانبەتوۆ اۋىر اتلەتيكادان قازاقستان قۇراماسىنىڭ باس باپكەرى بولىپ سايلاندى.
«اشىعىن ايتۋ كەرەك، تانىمال سپورتشى البەرت ليندەردىڭ قايتىس بولۋى جانە ودان كەيىنگى سپورتشىلاردىڭ، جاتتىقتىرۋشىلاردىڭ، سونداي-اق البەرت ليندەردىڭ تۋىستارىنىڭ كوپتەگەن ۇندەۋلەرى مەن وزگە دە وقيعالار تۇبەگەيلى شارالار قابىلداۋعا سەبەپ بولدى. ءمينيستردىڭ ارالاسۋىنان كەيىن جاتتىقتىرۋشىلار شتابى تاراپىنان ورەسكەل بۇزۋشىلىقتار انىقتالىپ، ناتيجەسىندە قۇرامانىڭ باس جاتتىقتىرۋشىسى باقىت احمەتوۆ، اعا جاتتىقتىرۋشى سەرگەي سەدوۆ جانە باسقالار جۇمىستان شەتتەتىلدى»، -دەپ جازادى ۆەدومستۆونىڭ رەسمي سايتى.
مادەنيتەت جانە سپورت ءمينيسترى اقتوتى رايىمقۇلوۆا وتىرىس بارىسىندا سپورتتاعى ادىلەتسىزدىك تۋرالى وتىنىشتەردىڭ كوبەيگەنىن، ول مالىمدەمەلەردىڭ انىق-قانىعىن انىقتاۋمەن اينالىساتىن سپورت ومبۋدسمەنى تاعايىندالعانىن ەسكە سالدى. بۇل قىزمەتكە سيدنەي وليمپياداسىنىڭ كۇمىس جۇلدەگەرى يسلام بايرامۋكوۆ كەلگەن بولاتىن.