7 التىن، 2 كۇمىس جانە 1 قولا
البانيادا وتكەن اۋىر اتلەتيكادان جاسوسپىرىمدەر اراسىنداعى الەم چەمپيوناتىندا قازاقستاندىق سپورتشىلار 7 التىن، 2 كۇمىس جانە 1 قولا مەدال جەڭىپ الدى. وسىلايشا، قازاقستان قۇراماسى مەدالداردىڭ جالپى سانى بويىنشا I ورىنعا يە بولدى، دەپ حابارلايدى Almaty-akshamy.kz.
التىن مەدالداردى 73 كەلىگە دەيىنگى سالماقتا ونەر كورسەتكەن ەراسىل ساۋلەبەكوۆ پەن 102 كەلىگە دەيىنگى سالماقتا نيكيتا ءابدىراحمانوۆ جەڭىپ الدى. ەكى سپورتشىمىز دا جۇلقا جانە سەرپە كوتەرۋ قورىتىندىسى بويىنشا ۇزدىك ناتيجە كورسەتتى.
نۇردوس سابىر (89 كەلىگە دەيىن) مەن تايسيا الەكسەيەۆا (64 كەلىگە دەيىن) كۇمىس جۇلدەگەر اتاندى.
"سپورتشىلارىمىزدى جانە بارلىق قازاقستاندىق جانكۇيەرلەردى وسىناۋ جەتىستىكپەن قۇتتىقتايمىن. ءبىزدىڭ جاس اۋىر اتلەتتەرگە بولاشاقتا دا تولاعاي تابىستار مەن جارقىن جەڭىستەر تىلەيمىن. جاتتىقتىرۋشىلارعا دا ەرەكشە العىس ايتامىن. سەبەبى ولاردىڭ ەڭبەگىنىڭ ارقاسىندا وتاندىق اۋىر اتلەتيكا مەكتەبى قازاقستاندى جاڭا چەمپيونداردىڭ ەسىمدەرىمەن الەمگە تانىتىپ جاتىر"، - دەپ جازدى مادەنيەت جانە سپورت ءمينيسترى اسحات ورالوۆ Facebook-تەگى پاراقشاسىندا.