ءماجىلىستىڭ جالپى وتىرىسىندا پرەمەر-مينيستردىڭ ورىنباسارى تامارا دۇيسەنوۆا ەلىمىزدەگى ينتەرنەت ماسەلەسىنە توقتالدى، دەپ حابارلايدى اlmaty-akshamy.kz.
ينتەرنەتكە قاتىستى شاعىمنىڭ كوپ ەكەنىن ءوزىمىز دە ءبىلىپ وتىرمىز. ماسەلە تەك شالعاي ەلدى مەكەندەردە ينتەرنەتتىڭ ناشار بولۋىندا عانا ەمەس. قالالاردا دا ءموبيلدى بايلانىس پەن ينتەرنەت سيگنالىنىڭ كوڭىلدەن شىقپاۋى بايقالادى. قوردالانعان ماسەلەلەردى جۇيەلى تۇردە شەشۋ ماقساتىندا ءتيىستى ۇلتتىق جوبا بەكىتىلدى جانە ىسكە اسىرىلۋدا. ونىڭ اياسىندا مەملەكەتتىك-جەكەمەنشىك ارىپتەستىك تەتىگى ارقىلى 3010 اۋىلعا وپتيكالىق بايلانىس جەلىلەرىن قوسۋ كوزدەلۋدە، - دەدى پرەمەر-مينيستردىڭ ورىنباسارى.
ايتۋىنشا، بۇگىندە قازاقستاندا 6 290 اۋىل بار، ونىڭ ىشىندە سىمدى ينتەرنەت ارقىلى وپتيكا 2 606 اۋىلعا جەتكىزىلدى. ناتيجەسىندە 2،4 ملن ادامنىڭ ينتەرنەتكە قولجەتىمدىلىگى قامتاماسىز ەتىلەدى.
ءموبيلدى ينتەرنەت بۇگىندە 4 866 اۋىلدا قولجەتىمدى. وتكەن جىلى 1 161 اۋىل 4G تەحنولوگياسىنا قوسىلدى. قالعاندارى بويىنشا جۇمىس جالعاسۋدا. استانا، الماتى، شىمكەنت جانە وبلىس ورتالىقتارىندا 5G بايلانىسپەن قامتۋدى كەڭەيتۋ جۇمىستارى جالعاسۋدا. بۇگىنگى تاڭدا 20 قالادا 1 144 بازالىق ستانسيا ورناتىلعان. مەملەكەت باسشىسىنىڭ تاپسىرماسىنا سايكەس 5G ۇيالى بايلانىسىن ەنگىزۋ 2025 جىلدىڭ سوڭىنا دەيىن اياقتالادى، - دەدى تامارا دۇيسەنوۆا.