بارلىق پايدالانىلعان قوقىستاردى جينايدى
جەتىسۋ وبلىسىنىڭ ەكولوگيالىق جاعدايىن جاقسارتۋعا ءوز ۇلەسىن قوسۋ ءۇشىن سارىوزەك اۋىلىنىڭ تۇرعىنى ورازبەك بەكجان پلاستيكالىق قوقىس جيناۋدى قولعا الدى، دەپ حابارلايدى Almaty-akshamy.kz.
الەمدىك قوعامداستىق پەن ەكولوگيالىق ۇيىمداردىڭ ەرەكشە نازارىنا قاراماستان، پلاستيكالىق لاستانۋ قازىرگى زاماننىڭ ماڭىزدى پروبلەمالارىنىڭ ءبىرى. بۇل ءونىمنىڭ ەداۋىر بولىگى ءبىر رەت قولدانعاننان كەيىن قوقىسقا اينالادى.
كاسىپكەر جىگىت وبلىستىق جۇمىسپەن قامتۋ ورتالىعىنا كەلىپ، «كاسىپكەرلىكتى دامىتۋدىڭ 2021-2025 جىلدارعا ارنالعان ۇلتتىق جوباسى» باعدارلاماسىنىڭ ەكىنشى باعىتىنا ءوتىنىم بەرىپ، 1 225 200 تەڭگە كولەمىندە قايتارىمسىز مەملەكەتتىك گرانتقا يە بولدى.
«قورشاعان ورتاعا زياندى ازايتىپ، شيكىزات پەن جاڭا ونىمدەر الۋ ءۇشىن پلاستيكتى قايتادان وڭدەۋىمىز قاجەت. ول ءۇشىن مەن بارلىق پايدالانىلعان قوقىستاردى جينايمىن. الماتىدا پلاستيكالىق بوتەلكەلەر وندىرەتىن كاسىپورىنمەن كەلىسىمشارت جاساسىپ، تىكەلەي ساتۋمەن اينالىستىم. بۇگىندە پلاستيك بوتەلكەلەردى ءوندىرۋ (پرەستەۋ) ورنىنا ەلەكتر قۋاتىن جەتكىزۋ جانە قابىلداۋ بويىنشا كەلىسىمشارت ورىندالۋدا»، - دەدى ورازبەك بەكجان.