بيزنەستى كەڭەيتۋگە بەرىلەدى.
2023 جىلدان باستاپ اۋىل حالقىنىڭ تابىسىن ارتتىرۋ جونىندەگى جوبانىڭ اۋقىمىن كەڭەيتۋ شەڭبەرىندە قازاقستاندىقتاردىڭ ءتيىمدى شارتتارمەن شاعىن نەسيە الۋ مۇمكىندىگى بولادى، دەپ حابارلايدى Almaty-akshamy.kz Inbusiness.kz cىلتەمە جاساپ.
ول بيزنەس اشۋعا جانە جۇمىس ىستەپ تۇرعان بيزنەستى كەڭەيتۋگە بەرىلەدى.
"سىياقىنىڭ نومينالدى مولشەرلەمەسى جىلدىق 2،5%، مەرزىمى 7 جىلدان اسپايتىن، كەپىلمەن قامتاماسىز ەتىلگەن. نەسيەنىڭ ەڭ جوعارى سوماسى - 2،5 مىڭ اەك نەمەسە شامامەن 7،9 ملن تەڭگە، ءىرى كووپەراسيانى دامىتۋ ءۇشىن – 8 مىڭ اەك نەمەسە شامامەن 25،4 ملن تەڭگە. نەسيە قاراجاتىن بەرۋ وپەراتورلارىن وبلىستاردىڭ جەرگىلىكتى جەرلەردەگى اكىمدىكتەرى مەملەكەتتىك ساتىپ الۋدى وتكىزۋ ارقىلى ايقىندايدى. ۇيىمداستىرۋشىلىق جۇمىسىن ەسكەرە وتىرىپ، العاشقى ميكرونەسيەلەر 2023 جىلدىڭ ءبىرىنشى توقسانىنىڭ سوڭىندا بەرىلە باستايدى دەپ كۇتىلىپ وتىر"، – دەپ حابارلادى اۋىل شارۋاشىلىعى مينيسترلىگىنەن.
ايتا كەتەيىك، اۋىل حالقىنىڭ تابىسىن ارتتىرۋ بويىنشا پيلوتتىق جوبا العاش رەت 2019 جىلى جامبىل وبلىسىندا باستالدى. مەملەكەت باسشىسى ۇكىمەتتىڭ كەڭەيتىلگەن وتىرىسىندا بۇل باعدارلامانى بۇكىل قازاقستان بويىنشا كەڭەيتۋدى تاپسىردى.
2023 جىلى جوبانى ىسكە اسىرۋ ءۇشىن رەسپۋبليكالىق بيۋدجەتتەن 11 مىڭنان استام شاعىن قارىز بەرۋ جوسپارىمەن 52،4 ملرد تەڭگە ءبولۋ كوزدەلىپ وتىر.