ايماقتار جەمدىك ماقساتتارعا ارپا مەن قارا بيداي سابانىن جيناپ، تىعىزداپ جاتىر.
قازاقستاننىڭ اۋىل شارۋاشىلىعىنىڭ ماماندارى مەن جەرگىلىكتى اكىمدەر الداعى قىسقا دايىندىق جۇمىستارىن جۇرگىزىپ جاتىر. وسى ماقساتتا ارنايى قۇرىلعان جەدەل شتابتىڭ وتىرىسى ءوتتى، دەپ حابارلايدى Almaty-akshamy.kz.
ءمينيستردىڭ مىندەتىن اتقارۋشى ەربول قاراشوكەيەۆتىڭ توراعالىعىمەن شتاب مۇشەلەرى جەم-شوپ دايىنداۋ جانە قامتاماسىز ەتۋ ماسەلەلەرىن تالقىلادى.
«قازىرگى ۋاقىتتا اۋىل شارۋاشىلىعى مينيسترلىگى استىق قورىن فورۆاردتىق ساتىپ الۋ ءۇشىن ازىق-تۇلىك كورپوراسياسىنىڭ جارعىلىق كاپيتالىن 20 ملرد تەڭگەگە ۇلعايتۋعا ۇلتتىق ەكونوميكا مينيسترلىگىنە ينۆەستيسيالىق ۇسىنىس جىبەردى. وڭ قورىتىندى كۇتەمىز»، - دەدى ۆەدومستۆو باسشىسى.
مامانداردىڭ ايتۋىنشا، ۇەم-نە «قازاگروقارجى» اق-نا فەرمەرلەردىڭ جەم-شوپ دايىنداۋ تەحنيكاسى مەن سۋارۋدىڭ ۇتقىر جۇيەلەرىن ساتىپ الۋعا ارنالعان وتىنىمدەرىن قارجىلاندىرۋ ءۇشىن قاراجات ءبولۋ تۋرالى مەملەكەتتىك ينۆەستيسيالىق ۇسىنىس جىبەرىلدى.
«وبلىستىق شتاب وكىلدەرىنىڭ باياندامالارىن تىڭداعان مينيسترلىك باسشىسى قىزىلوردا وبلىسىنا تامىز ايىندا ۇكىمەت رەزەرۆىنىڭ قاراجاتىن تولىق يگەرۋدى جانە ورىندالۋى ءتيىس ناقتى ناتيجەلەردى قامتاماسىز ەتۋدى تاپسىردى»،– دەلىنگەن اۋىل شارۋاشىلىعى مينيسترلىگىنىڭ باسپا ءسوز قىزمەتىنىڭ حابارلاماسىندا.
تاياۋ ۋاقىتتا ەلىمىزدىڭ ورتالىق جانە سولتۇستىك وڭىرلەرىندە استىق جيناۋ ناۋقانى باستالادى جانە تيىسىنشە نەگىزگى كۇش سوعان جۇمسالاتىن بولادى. قالعان ۋاقىت ىشىندە وبلىس اكىمدىكتەرى مال ازىعىن دايىنداۋدى جانداندىرىپ، قاجەتتى كولەمنىڭ ورىندالۋىن قامتاماسىز ەتۋدى جانە جەم-شوپ دايىنداۋعا ارنالعان ارزانداتىلعان ديزەل وتىنىنىڭ تەڭ ءبولىنۋىن ەرەكشە باقىلاۋعا الۋى قاجەت.
«ءبىر اپتانىڭ ىشىندە وبلىس اۋماعىنداعى ءاربىر ۇن تارتۋ كاسىپورنىنان الىناتىن كەبەك كولەمىن جەكە-جەكە كورسەتە وتىرىپ، استىقتى قايتا وڭدەۋدىڭ اي سايىنعى كولەمى تۋرالى اقپارات جيناسىن. بۇل، جاعدايدى تالداۋ جانە كەيىننەن مال شارۋاشىلىعى سۋبەكتىلەرى مەن جقش اراسىندا ءبولۋ ءۇشىن جانە زارداپ شەككەن وڭىرلەرگە جەتكىزۋ ماسەلەلەرىن انىقتاۋ ءۇشىن قاجەت»، - دەپ تاپسىردى ەربول قاراشوكەيەۆ.
ماڭعىستاۋ وبلىسىنىڭ اكىمدىگى بيىل قىستاۋعا كىرەتىن مال سانىن ناقتىلاۋ جۇمىستارىن اياقتاۋى كەرەك. ستاتيستيكا دەرەكتەرى بويىنشا، بيىلعى جىلدىڭ 1 شىلدەسىنە ماڭعىستاۋ وبلىسىندا 28،6 مىڭ باس ءىقم، 452،3 مىڭ باس ۇمم، 122،4 مىڭ باس جىلقى جانە 84،7 مىڭ باس تۇيە بار.
«بىزگە سۋبەكتىلەردىڭ ساناتتارى بويىنشا جەم-شوپپەن قامتاماسىز ەتۋ تۋرالى شىنايى اقپارات قاجەت. اكىمدىكتەردە ءاربىر فەرمەرلىك شارۋاشىلىقتىڭ جەم-شوپپەن قامتاماسىز ەتىلۋ جانە ولاردىڭ جەم-شوپ قورىن ءوز كۇشتەرىمەن جيناۋدىڭ الەۋەتتى مۇمكىندىكتەرى جونىندە تولىق اقپارات بولۋعا ءتيىس. سىزدەر قاي شارۋا ءوز ماسەلەسىن شەشە الماي جاتقانىن جانە قانداي كولەمدە كومەككە مۇقتاج ەكەنىن بىلۋلەرىڭىز كەرەك. ءار اۋىل اكىمىندە ءاربىر جەكە قوسالقى شارۋاشىلىقتىڭ قاجەتتىلىگى تۋرالى تولىق اقپارات بولۋى ءتيىس. از قامتىلعان جانە كوپ بالالى وتباسىلار ەرەكشە ەسەپكە الىنۋى كەرەك»، - دەدى ەربول قاراشوكەيەۆ.
بۇل اقپارات مينيسترلىككە كورسەتىلەتىن كومەكتىڭ كولەمىن بولجاۋعا جانە ونىڭ كومەك كوزدەرىن ىزدەۋ ءۇشىن قاجەت.
بۇگىنگى تاڭدا ۇكىمەتتىڭ تاپسىرماسىنا سايكەس، ايماقتار جەمدىك ماقساتتارعا ارپا مەن قارا بيداي سابانىن جيناپ، تىعىزداپ جاتىر، ونىڭ ءبىر بولىگى زارداپ شەككەن ايماقتاردىڭ قاجەتتىلىكتەرى ناقتىلانعاننان كەيىن جەتكىزىلەدى.
«وبلىس اكىمدەرىنىڭ ورىنباسارلارى جەرگىلىكتى جەرلەردە زارداپ شەككەن وڭىرلەرگە كومەك قورلارىن قۇرۋ ماسەلەسىن زەرتتەۋلەرى قاجەت. وسىنداي قوردى قۇرۋ اۋىل شارۋاشىلىعى تاۋارىن وندىرۋشىلەر اراسىندا وسى قيىن كەزەڭدە زارداپ شەككەن ايماقتارداعى ارىپتەستەرىنە كاسىبي ىنتىماقتاستىق پەن كومەك كورسەتۋدىڭ ماڭىزدىلىعى تۋرالى ءتيىستى ءتۇسىندىرۋ جۇمىستارىمەن سۇيەمەلدەنسە دۇرىس بولار ەدى»، - دەپ اتاپ ءوتتى ءمينيستردىڭ مىندەتىن اتقارۋشى.
ەستەرىڭىزگە سالا كەتەيىك، قۇرامىنا وبلىستار مەن اۋدان اكىمدەرىنىڭ ورىنباسارلارى، "بايتەرەك" حولدينگى مەن ازىق-تۇلىك كورپوراسياسىنىڭ قارجىلاندىرۋشى ۇيىمدارىنىڭ باسشىلارى ەنگەن اۋىل شارۋاشىلىعى مينيسترلىگى جانىنداعى رەسپۋبليكالىق جەدەل شتاب جەم-شوپ دايىنداۋ ماسەلەلەرى بويىنشا جەرگىلىكتى اتقارۋشى ورگانداردىڭ ءىس-قيمىلىن ۇيلەستىرۋ ءۇشىن قۇرىلعان بولاتىن.