تراكتورشى، مەحانيزاتور جانە اگرونوم جەتىسپەيدى.
اگروونەركاسىپتە مامان تاپشى، دەپ حابارلايدى Almaty -akshamy.kz 24.kz-كە سىلتەمە جاساپ.
ساراپشىلاردىڭ پىكىرىنشە، بۇعان بىرىنشىدەن، جالاقىنىڭ ازدىعى اسەر ەتىپ وتىر. ايتالىق، شارۋالار مەن باعباندار شامامەن 180 مىڭ تەڭگە ءناپاقا تابادى ەكەن.
«ۆەتەرينار جەتىسپەيدى. سالانى جاقسى بىلەتىن جانە جۇمىستى جۇيەلى ۇيىمداستىرا الاتىن مەنەدجەر تاپشى. زاماناۋي تەحنيكانى جوندەي الاتىن ينجەنەر-مەحانيك از. اۋىل شارۋاشىلىعىنىڭ قاي باعىتىن الساق تا، جاعداي ءماز ەمەس»،- دەيدى قازاقستاننىڭ كارتوپ جانە كوكونىس وسىرۋشىلەر وداعىنىڭ ءتوراعاسى قايرات بەيسەتايەۆ.
قازاقستاندا اگروونەركاسىپ مامانىن دايىندايتىن 23 جوعارى وقۋ ورنى بار. جىل سايىن 2 مىڭنان استام ستۋدەنت ءبىلىم الىپ شىعادى. ءبىراق ولاردىڭ تەڭ جارتىسى باسقا سالاعا كەتەدى، - دەيدى ماماندار.
ادەتتە، جاس ماماندار مىندەتتى جۇمىس ىستەۋ مەرزىمى اياقتالعان سوڭ تۇراقتامايدى. ارى كەتسە العان ماماندىعى بويىنشا 3 جىل ەڭبەك ەتەدى، - دەيدى ساراپشىلار. سوندا تىعىرىقتان شىعار جول قايسى؟ ساراپشىلاردىڭ پىكىرىنشە، «ديپلوممەن اۋىلعا» باعدارلاماسىن كەڭەيتىپ، سالاعا مامان تارتۋدىڭ باسقا دا جولدارىن قاراستىرۋ قاجەت.