سيفرلىق سەرۆيستەر مەن قىزمەتتەر قولجەتىمدى بولۋى ءتيىس.
ق ر سيفرلىق دامۋ، يننوۆاسيالار جانە اەروعارىش ونەركاسىبى ءمينيسترى باعدات ءمۋسيننىڭ ايتۋىنشا، اۋىل پوشتالارىندا «سيفرلىق بۇرىشتار» پايدا بولادى، دەپ حابارلايدى Almaty-akshamy.kz قازاقپاراتقا سىلتەمە جاساپ.
بۇل تۋرالى باعدات مۋسين ءماجىلىستىڭ جالپى وتىرىسىندا سيرلاندىرۋعا قاتىستى زاڭ جوباسىن تانىستىرۋ كەزىندە ايتتى.
«تۇرعىلىقتى جەرىنە قاراماستان، ءار ازامات ءۇشىن سيفرلىق سەرۆيستەر مەن قىزمەتتەر قولجەتىمدى بولۋى ءتيىس. بۇل ءۇشىن زاڭ جوباسىندا ۇلتتىق پوشتا وپەراتورىنىڭ پوشتا جەلىسى نەگىزىندە اۋىلدىق ەلدى مەكەندەردە مەملەكەتتىك قىزمەتتەرگە قولجەتىمدىلىكتىڭ سيفرلىق نۇكتەلەرىن قۇرۋ ۇسىنىلادى»، - دەدى مينيستر.
ايتۋىنشا، اتالعان سيفرلاندىرۋ نۇكتەسى پوشتا بايلانىسى بولىمشەسىنىڭ قىزمەتكەرى قىزمەت كورسەتەتىن، ينتەرنەتكە قولجەتىمدىلىگى بار كومپيۋتەرلىك جانە ۇيىمداستىرۋ تەحنيكاسىمەن جابدىقتالعان ورىن بولادى.
«قازپوشتانىڭ ەكى مىڭعا جۋىق اۋىلدىق بولىمشەلەرىندە سيفرلىق قولجەتىمدىلىك نۇكتەلەرىن اشۋ جوسپارلانۋدا. وسى ەلەكتروندىق بۇرىشتاردا حالىق قىزمەتتەر الىپ، مەملەكەتتىك ورگاندارعا ەلەكتروندىق وتىنىشتەر جولداي الادى»، - دەدى ۆەدومستۆو باسشىسى.
ايتا كەتەيىك، بۇگىنگى ءماجىلىستىڭ جالپى وتىرىسىندا ايدوس سارىم ءماجىلىستىڭ حالىقارالىق ىستەر، قورعانىس جانە قاۋىپسىزدىك كوميتەتىنە اۋىستى.