اقمولا وبلىسىنىڭ زەرەندى اۋىلىندا «اۋىل» پارتياسىنىڭ كەزەكتى ءححىV سەزى ءوتتى.
«اۋىل» پارتياسى - ەلدەگى بەدەلدى جانە ىقپالدى قوعامدىق-ساياسي كۇش. اۋىل تۇرعىندارىنىڭ، اۋىل ەڭبەككەرلەرىنىڭ، اۋىل مەن اۋىل شارۋاشىلىعىنىڭ مۇددەلەرىن قورعاۋ - «اۋىل» پارتياسىنىڭ باسىمدىلىعى. «اۋىل» پارتياسى زەرەندى اۋىلىن سەزگە قاتىسۋشىلار نازارىن اۋىلعا اۋدارۋ ءۇشىن ادەيى تاڭدادى، دەپ حابارلايدى Almaty-akshamy.kz
ماجىلىستەگى «اۋىل» پارتياسىنىڭ دەپۋتاتتىق فراكسياسى پارتيانىڭ سايلاۋالدى باعدارلاماسىن ىسكە اسىرۋ ماقساتىندا وڭىرلەردى ارالادى. حالىق پىكىرىن تىڭداي كەلە، «اۋىل» دەپۋتاتتىق فراكسياسى سايلاۋالدى باعدارلاماسىنىڭ نەگىزگى مىندەتتەرى بولعان «اگرارلىق بانك تۋرالى» جانە «ازىق-تۇلىك قاۋىپسىزدىگى تۋرالى» 2 زاڭ جوباسىنا باستاماشىلىق جاساپ، ازىرلەدى. اتالعان زاڭ جوبالارىن سەنات پەن ءماجىلىس دەپۋتاتتارىنىڭ 60% استامى قولدادى. بۇل باعىتتاعى جۇمىستار قۇزىرلى مەملەكەتتىك ورگاندارمەن جالعاسىن تابادى.
فراكسيا دەپۋتاتتارى اگروونەركاسىپتىك كەشەن مەن اۋىل ايماقتىڭ ماڭىزدى اسپەكتىلەرىن قوزعاعان ءتۇرلى زاڭ جوباسى بويىنشا 250-تەن استام تۇزەتۋ دايىنداپ، 61 دەپۋتاتتىق ساۋال جولدادى. ءماجىلىستىڭ پلەنارلىق وتىرىسىندا زاڭ جوبالارىن قابىلداۋ بارىسىندا جۇزدەگەن ساۋال قويدى.
اۋىل-ايماقتاردا دا «اۋىل» پارتياسىنان سايلانعان دەپۋتاتتار اۋقىمدى جۇمىستار اتقارۋدا. اقمولا وبلىستىق ءماسليحاتىنىڭ دەپۋتاتى انار اياپبەرگەنوۆانىڭ ساۋالى بويىنشا جارقايىڭ اۋدانى ءبىرسۋات اۋىلىندا مەكتەپ قۇرىلىسى باستالدى، دەپۋتات ءومىرجان نۇرايدىڭ ساۋالى بويىنشا سەلينوگراد اۋدانى اقمول اۋىلىندا مادەنيەت ءۇيىن سالۋ ماسەلەسى اگلومەراسيانى دامىتۋدىڭ باس جوسپارىنا ەنگىزىلدى، اۋداندىق ءماسليحات دەپۋتاتى ەۆگەنيي رىجكوۆتىڭ ساۋالى بويىنشا شالعايداعى اۋىلداردان بالالاردى ءۋاليحانوۆ اۋىلىنىڭ مەكتەبىنە تاسۋ ءۇشىن «گازەل» شاعىن اۆتوبۋسى ساتىپ الىندى.
سەزد جۇمىسىنا «اۋىل» پارتياسىنىڭ ءتوراعاسى، ءماجىلىس دەپۋتاتى سەرىك ەگىزبايەۆ، اقمولا وبلىسىنىڭ اكىمى مارات احمەتجانوۆ، ق ر پرەمەر-مينيسترىنىڭ كەڭەسشىسى ەرالى توعجانوۆ، ق ر سۋ رەسۋرستارى جانە يررەگاسيا ۆيسە-مينيسترى بولات بەكنياز، ق ر اۋىلشارۋاشىلىعى ۆيسە-مينيسترى ەربول تاسجۇرەكوۆ، ماجىلىستەگى «اۋىل» پارتياسىنىڭ فراكسيا دەپۋتاتتارى، بارلىق 20 وڭىردەن دەلەگاتتار مەن «اۋىل» پارتياسى اتىنان سايلانعان دەپۋتاتتار ساياسي پارتيالاردىڭ جانە قوعامدىق ۇيىمداردىڭ وكىلدەرى، ورتالىق جانە جەرگىلىكتى مەملەكەتتىك ورگانداردىڭ، قوعامدىق بىرلەستىكتەردىڭ باسشىلارى مەن قوعامدىق پىكىر كوشباسشىلارى قاتىستى.
جيىن باسىندا ءسوز العان ق ر پرەمەر-مينيسترىنىڭ كەڭەسشىسى ە.توعجانوۆ «ەلدىڭ بولاشاعى – مۇناي ەمەس، اۋىل» دەي كەلە، «سۋ تاسقىنى سالدارىن جويۋدا سىزدەردەي جارقىراپ العا شىققان، جاستار قۇرىلىس جاساعىن ءتۇزىپ، ساپقا تۇرعىزعان ەشكىم جوق»، - دەپ نىقتادى.
سەزدىڭ باستى جاڭالىعى – پارتياعا تولىق رەبرەندينگ جاسالدى، پارتيا اتاۋى مەن لوگوتيپى وزگەردى. بۇدان بىلاي قىسقا عانا «اۋىل» پارتياسى دەپ اتالادى. پارتيا لوگوتيپى رەتىندە قازاق ءۇشىن «وتان» اتتى كيەلى ۇعىمنىڭ بالاماسى – كيىز ءۇي تاڭدالدى.
وزگەرىستەر تۋرالى «اۋىل» پارتياسىنىڭ ءتوراعاسى، ق ر پارلامەنتى ءماجىلىسىنىڭ دەپۋتاتى س.ەگىزبايەۆ «قازىرگى كەزەڭ – مينيماليزم كەزەڭى. «اۋىل» پارتياسى دەگەن قالىپتاسقان ساياسي برەند. سوندىقتان، ساياسي كەڭەس پرەزيديۋمى تاراپىنان پارتيامىزدىڭ اتاۋىنان «حالىقتىق-دەموكراتيالىق پاتريوتتىق» دەگەن تىركەستى الىپ تاستاپ، «اۋىل» پارتياسى دەپ اتاۋ ۇسىنىلدى. ىقشام، قاراپايىم، ناقتى جانە ايقىن كومپوزيسيادا سيپاتتالالعان پارتيا لوگوتيپى دە مينيماليزم ستيلىندە دايىندالعان»،- دەپ ءتۇسىندىردى.
سونداي-اق، سەزد بارىسىندا «اۋىل» پارتياسىنىڭ دەموكراتيالىق سەنتريزمدى قالىپتاستىرۋدى نەگىزگە العان جاڭا رەداكسياداعى جارعىسى قابىلداندى. پارتيانىڭ ميسسياسى مەن قۇندىلىقتارى ايقىندالعان ساياسي باعدارلاما بەكىتىلدى.
ساياسي باعدارلامادا وتاندىق زەينەتاقى جۇيەسىن رەفورمالاۋ، «اۋىلدان ديپلوم ءۇشىن!» جوباسىن، اۋىلدىق جەرلەردە جۇمىس ىستەگىسى كەلەتىن جاس ماماندار ءۇشىن جەكەشەلەندىرۋ قۇقىمەن تۇرعىن ءۇي قۇرىلىسى باعدارلاماسىن ىسكە قوسۋ جانە ت.ب. ءتارىزدى قوعامدىق ءومىردىڭ ءتۇرلى سالاسىنداعى وزەكتى ماسەلەلەر قاستىلعان.
سەزد جۇمىسى اياسىندا «اۋىل» پارتياسىنىڭ سايلاۋالدى باعدارلاماسىن جۇزەگە اسىرۋ شارالارى مەن تەتىكتەرى تۋرالى پىكىر الماسۋ بولدى. سونداي-اق، پارتيانىڭ ساياسي كەڭەسى مەن ريەۆيزيالىق كوميسسياسىنىڭ ەسەبى تىڭدالىپ، الداعى ورتا مەرزىمدى پەرسپەكتيۆاعا ارنالعان مىندەتتەر بەلگىلەنىپ، باسقارۋشى ورگاندار سايلاۋى وتكىزىلدى.