تۇركىستان وبلىسىنىڭ كەلەس اۋدانىنداعى ل.جولداسوۆ اتىنداعى №39 مەكتەپتىڭ ورىس ءتىلى مەن ادەبيەتى ءپانىنىڭ ءمۇعالىمى التىناي اسىلبەكوۆا «ورىس ءتىلى ساباعىندا ينكليۋزيۆتى ءبىلىم بەرۋدىڭ وزەكتى ماسەلەلەرى» تاقىرىبىندا ءوز باعدارلاماسىن ازىرلەدى.
ماقساتى – ينكليۋزيۆتى ءبىلىم بەرۋ بارىسىندا ءتىل قۇرىلىمىنا اسەر ەتە وتىرىپ، وقۋشىلاردىڭ سويلەۋ قابىلەتىن دامىتۋ، دەپ حابارلايدى Almaty-akshamy.kz. وقۋ-اعارتۋ مينيسترلىگىنە سىلتەمە جاساپ.
ءمۇعالىمنىڭ ايتۋىنشا، ورىس ءتىلى ساباقتارىندا ادەبي ءتىل نورمالارى مەن سويلەۋ ەتيكەتىنىڭ ەرەجەلەرى تۋرالى تۇسىنىك الۋ ماڭىزدى، الايدا قارىم-قاتىناستا بايلانىس ورناتۋ قابىلەتىن دامىتۋ دا اسا قاجەت.
«ينكليۋزيۆتى سىنىپتاردا ساباق بەرۋ كەز كەلگەن مۇعالىمنەن ۇلكەن تاجىريبەنى تالاپ ەتەدى. بالالاردىڭ لەكسيكا مەن فرازەولوگيانىڭ نەگىزگى ستيليستيكالىق قورلارىن، ورىس ادەبي ءتىلىنىڭ نەگىزگى نورمالارىن، سويلەۋ ەتيكەتىنىڭ ورفوەپيالىق، لەكسيكالىق، گرامماتيكالىق، ورفوگرافيالىق، پۋنكتۋاسيالىق نورمالارىن مەڭگەرۋى ءۇشىن جاي عانا ساباق وتكىزۋ جەتكىلىكسىز. سوندىقتان بۇل اۆتورلىق باعدارلامام بارلىق ۇستازدارعا، اسىرەسە جاس ماماندارعا كومەكشى قۇرال بولارىنا سەنىمدىمىن»، – دەيدى ۇستاز.
اتاپ وتەيىك، ءمۇعالىمنىڭ اۆتورلىق باعدارلاماسىندا كۇنتىزبەلىك تاقىرىپتىق جانە قىسقا مەرزىمدى جوسپارلار تولىقتاي بەرىلگەن.