جەر تۇگەندەۋ باعىتىنداعى تەكسەرۋلەر جاندانعان ساتتەن باستاپ ءىرى جەر يەلەنۋشىلەرى بوس جاتقان القاپتارىن بەلسەندى يگەرە باستاعان.
بۇل جايلى اۋىل شارۋاشىلىعى ۆيسە-مينيسترى ءابىلحايىر تامابەك ۆەدومستۆونىڭ كەڭەيتىلگەن القا ماجىلىسىندە ءمالىم ەتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«جەر ينسپەكسياسىنىڭ جۇمىسىن كۇشەيتۋ ەسەبىنەن مەملەكەت باسشىسىنىڭ 2022 جىلدىڭ سوڭىنا دەيىن پايدالانىلماي جاتقان جانە زاڭنامانى بۇزا وتىرىپ بەرىلگەن 5 ملن گەكتاردان كەم ەمەس جەردى قايتارۋ جونىندەگى تاپسىرماسى مەرزىمىنەن بۇرىن ورىندالدى.
وتكەن جىلمەن سالىستىرعاندا، تەكسەرۋلەر سانى 9 ەسەگە، ال تەكسەرۋمەن قامتىلعان اۋماق 21 ەسەگە ءوستى»، - دەدى ءابىلحايىر تامابەك.
ونىڭ سوزىنە قاراعاندا، اتالعان جەر تۇگەندەۋ جۇمىستارى جەردى يگەرۋ جۇمىستارىنىڭ جاندانۋىنا تۇرتكى بولعان.
«ولار ءقازىردىڭ وزىندە شامامەن 1،8 ملن گەكتار جەردى يگەرۋدى باستادى. بۇل، وتكەن جىلمەن سالىستىرعاندا، 6 ەسە ارتىق.
حالىق مالىن جايۋ ءۇشىن جايىلىم تاپشىلىعى پروبلەماسىن شەشۋ ءۇشىن شارالار قابىلدانۋدا.
ءبىرىنشى كەزەكتە اۋىلدىق ەلدى مەكەندەردىڭ شەكارالارى مەملەكەتكە قايتارىلعان جايىلىمدىق القاپتار مەن جەرلەر، سونداي-اق مەملەكەت مۇقتاجى ءۇشىن الىنعان جەرلەر ەسەبىنەن كەڭەيتىلەدى. اۋىل شارۋاشىلىعى قۇرالىمدارىمەن ولاردىڭ جايىلىمدارىن جەكە قوسالقى شارۋاشىلىقتاردىڭ ۋاقىتشا پايدالانۋى تۋرالى مەموراندۋمدار جاسالادى. جايىلىمداردى باسقارۋ جونىندەگى ءىس-شارالار شەڭبەرىندە ولارعا بوسالقى جەرلەردەن جايىلىمدىق القاپتار بەرە وتىرىپ، جەكە قوسالقى شارۋاشىلىقتاردىڭ كووپەراسياسى بويىنشا جۇمىس جۇرگىزىلۋدە»، - دەدى ءمينيستردىڭ ورىنباسارى.