اۋستريا كانسلەرى قىزمەتىنەن كەتتى

ول ءوزىنىڭ ورنىنا سىرتقى ىستەر ءمينيسترى الەكساندر شاللەنبەرگتى ۇسىندى.

اۋستريا كانسلەرى سەباستيان كۋرس سىبايلاس جەمقورلىققا قاتىستى تۋىنداعان داۋدان كەيىن قىزمەتىنەن كەتتى، دەپ حابارلايدى Almaty-akshamy.kz Egemen.kz-كە سىلتەمە جاساپ.

سونداي-اق كۋرس باستاعان تاعى توعىز ادام تەرگەۋگە الىنعان. وعان مەملەكەت قاراجاتىن تابلويدتىق گازەتتەردە ءوزىنىڭ وڭ ءيميدجىن قالىپتاستىرۋعا پايدالاندى دەگەن ايىپ تاعىلدى. الايدا كۋرس ونىڭ ءبارىن جوققا شىعاردى.

«بۇعان دەيىن مەنى قىلمىستىق ارەكەتتەر جاسادى دەپ ايىپتادى. ونىڭ ءبارى 2016 جىلعى وقيعاعا قاتىستى. ءبىراق ونىڭ ءبارى – جالعان، مەن بۇل ماسەلەنى انىقتاي الاتىنىما سەنىمدىمىن»، - دەدى كۋرس سەنبى كۇنى ۆەناداعى كانسلەر كەڭسەسىندە وتكەن باسپا ءسوز ءماسليحاتىندا.

دەگەنمەن، كانسلەر قىزمەتىنەن كەتۋگە ءماجبۇر بولعانىن جەتكىزدى. ويتكەنى پارلامەنتتەگى «جاسىلدار» پارتياسى جەمقورلىققا قاتىستى داۋدان كەيىن كۋرستى قولدامايتىنىن مالىمدەگەن. ولار كانسلەرگە سەنىمسىزدىك بىلدىرەمىز دەپ قورقىتقان وپپوزيسيالىق پارتيالارمەن كەلىسسوزدەردى باستاپ كەتتى.
«جاسىلدار» پارتياسىنىڭ جەتەكشىسى جانە ۆيسە-كانسلەر ۆەرنەر كوگلەر كۋرستىڭ وتستاۆكاسىن قۇپتادى. سون-داي-اق شاللەنبەرگپەن جۇمىس ىستەۋگە دايىن ەكەنىن ءبىلدىرىپ، ولاردىڭ «وتە كونسترۋكتيۆتى» قارىم-قاتىناستا ەكەنىن جەتكىزدى.