رەسپۋبليكالىق جەدەل-قۇتقارۋ جاساعى الماتى تاۋلارىندا جوعالىپ كەتكەن اۋستراليا ازاماتىنىڭ دەنەسىن تاپتى، دەپ حابارلايدى Almaty-akshamy.kz Zakon.kz-كە سىلتەمە جاساپ.
ءمايىت ايۋساي شاتقالىنداعى ءبىرىنشى سارقىرامانىڭ جانىنان تابىلدى.
الدىن الا مالىمەت بويىنشا، 2023 جىلعى 21 مامىردا 1995 جىلى تۋعان اۋستراليا ازاماتى ۇلكەن الماتى شاتقالىنا قاراي كەتكەن.
پوليسيا دەپارتامەنتىنە ونىڭ جوعالىپ كەتكەنىن حوستەلدە بىرگە تۇرعان رەسەي ازاماتى حابارلاعان.
جوعالعان ادامدى سوڭعى رەت ارىپتەسى كورگەن. ونىڭ ايتۋىنشا، ولار الماتىعا 20 مامىر تاڭەرتەڭ تۋريستتىك ماقساتتا كەلگەن. 22 مامىردا تاڭعى ساعات 7-دە تۋريستەر كەرى ۇشىپ كەتۋى كەرەك بولعان، ءبىراق قۇربىسى اۋەجايعا جالعىز بارىپتى.
ەسكە سالا كەتەيىك، بۇعان دەيىن اۋستراليالىق تۋريست تاۋعا باعىت الىپ، جوعالىپ كەتكەنى تۋرالى جازعان ەدىك.