ەلەنا رىباكينا اۋستراليا اشىق چەمپيوناتىنىڭ جارتىلاي فينالىنا شىقتى، - دەپ حابارلايدى aqshamnews.kz ءتىلشىسى.
قازاقستاندىق تەننيسشى شيرەك فينالدا الەمنىڭ 2-راكەتكاسى، پولشا وكىلى يگا شۆەنتەككە تاپ كەلدى. ازۋلى قارسىلاستار وسىعان دەيىن ءوزارا 11 رەت كەزدەسىپ، سونىڭ التاۋىندا شۆەنتەك جەڭگەن ەدى.
بۇل جولى تەننيسشىلەر ويىندى برەيك الماسۋمەن باستادى. دەگەنمەن ەسەپ 6:5 بولعان مەزەتتە رىباكينا برەيك جاساي ءبىلدى – 7:5. ەكىنشى سەتتە ەلەنا بىردەن العا كەتتى – 2:0. سودان كەيىن بەت قاراتپاي، ماچتى ەيسپەن تۇيىندەدى – 6:1.
ءبىر ساعات 35 مينۋتقا سوزىلعان باسەكەدە رىباكينا 11 ەيسپەن بىرگە 7 برەيك-پوينتتىڭ تورتەۋىن ءوز ەسەبىنە جازدى.
ەلەنا رىباكينا فينالعا شىعۋ ءۇشىن امەريكالىقتار، الەمنىڭ 4-راكەتكاسى اماندا انيسيموۆا نەمەسە رەيتينگىدە 6-ورىنداعى دجەسسيكا پەگۋلانىڭ جەڭگەنىمەن وينايدى.
Australian Open: رىباكينا الەمنىڭ 2-راكەتكاسىن جەڭىپ، جارتىلاي فينالعا ءوتتى
- 11:01، 28 قاڭتار 2026
قتف