دەنساۋلىق ساقتاۋ مينيسترلىگى جوسپارلى اۋرۋحاناعا جاتقىزۋعا دايىندىق راسىمدەرىن جەڭىلدەتتى، دەپ حابارلايدى aqshamnews.kz.
دسم ەمحانالار مەن ستاسيونارلارداعى مەديسينالىق كومەككە قولجەتىمدىلىكتى ارتتىرۋ ماقساتىندا حالىقارالىق ستاندارتتارعا ساي دياگنوستيكالىق راسىمدەردى وڭتايلاندىرۋ جۇمىستارىن جۇرگىزدى، دەپ مالىمدەدى ۆەدومستۆونىڭ باسپا ءسوز قىزمەتى.
جاڭا ستاندارتقا سايكەس، جالپى تىزىمدە ستاسيونارلىق جاعدايدا سوماتيكالىق بەيىندەگى ناۋقاستاردى ەمدەۋگە قاجەت نەگىزگى 13 زەرتتەۋ انىقتالدى.
سونىمەن بىرگە، ءبىرقاتار زەرتحانالىق اسپاپتىق زەرتتەۋ ناتيجەلەرىنىڭ جارامدىلىق مەرزىمى 10 كۇننەن 14 كۇنگە دەيىن، 1 ايدان 6 ايعا دەيىن ۇزارتىلىپ، بۇل اۋرۋحاناعا جاتقىزۋعا دايىندىق ۇدەرىسىن ايتارلىقتاي قىسقارتۋعا سەپتىك ەتتى، – دەپ قوستى مينيسترلىك.
دياگنوستيكالىق راسىمدەردى ستاندارتتاۋ مەن وڭتايلاندىرۋ قاجەتسىز شىعىنداردى ازايتىپ، حالىقتىڭ قالتاسىنان شىعاتىن اقشانى تومەندەتۋگە باعىتتالعان. بۇل وزگەرىستەر مەديسينا رەسۋرستارىن ءتيىمدى پايدالانىپ، ناۋقاستارعا تۇسەتىن جۇكتەمەنى ازايتۋعا ىقپال ەتەدى.