الماتى تۇرعىنى اۋرۋحانادا ناۋقاستارعا بەرىلەتىن تاماقتىڭ ساپاسىنا شاعىمداندى
الماتى تۇرعىنى اۋرۋحانادا جاتقان قارىنداسىنا ساپاسى ناشار تاعام بەرىلەتىنىن ايتىپ شاعىمداندى، دەپ حابارلايدى Almaty-akshamy.kz قازاقپاراتقا سىلتەمە جاساپ.
شاعىمدى الەۋمەتتىك جەلىگە جاريالاعان اۆتور جۇكتى قارىنداسىنىڭ «قالقامان-1» شاعىناۋدانىنداعى اۋرۋحاناعا تۇسكەندىگىن جازعان. سونىمەن قاتار پاتولوگيا بولىمىنە جاتقىزىلعان قارىنداسىنا بەرىلگەن تاماقتىڭ سۋرەتىن قوسا جۇكتەگەن.
جاعدايعا الماتى قالالىق №1 كلينيكالىق اۋرۋحاناسى تۇسىنىك بەردى.
اۋرۋحانانىڭ مالىمەتىنە سايكەس، اتالعان ماسەلە بويىنشا كوميسسيا قىزمەتتىك تەكسەرىس جاسالعان.
تەكسەرىس كەزىندە پەرزەنتحانا جاعدايىندا ستاسيونارلىق ەمدەۋدەگى بارلىق جۇكتى جانە بوسانعان ايەلدەر اراسىندا ساۋالناما جۇرگىزىلگەن.
ساۋالناما قورىتىندىسى بويىنشا اۋرۋحاناداعى بۇكىل ايەل تاماقتىڭ ساپاسىنا «100% قاناعاتتانارلىق» دەپ جازعان.
ونىمەن قاتار اۋرۋحانا ستاسيوناردا ەمدەلىپ جاتقان ناۋقاستارعا ديەتالىق ۇستەلگە سايكەس تاماق بەرىلەتىندىگىن مالىمدەدى.
«ءاربىر اۋرۋعا رۇقسات ەتىلگەن ازىق-تۇلىك پەن تاعام ءتۇرى بولادى. دەنى ساۋ ادامدار تۇتىناتىن تاعامنىڭ ءبارى بىردەي ناۋقاستارعا بەرىلە بەرمەيدى. ەمدەۋ (ديەتالىق) ۇستەلدەرى ق ر ۇكىمەتىنىڭ 2002 جىلعى 26 قاڭتارداعى №128 قاۋلىسىنا سايكەس جاسالادى. تاماق تەحنولوگيالىق كارتا بويىنشا پىسىرىلەدى»،- دەدى اۋرۋحانا.
اۋرۋحانا تاعامدى تاراتۋ الدىندا ونىڭ ءدامى مەن ءونىمىنىڭ قاۋىپسىزدىگىنە باعالاۋ جۇرگىزىلەتىندىگىن مالىمدەدى.
سونىمەن قاتار ارنايى جۋرنالدا كەزەكشى دارىگەر نەمەسە ەپيدەميولوگ دارىگەر كۇندەلىكتى دايىندالاتىن تاعامداردىڭ ساپاسى تۋرالى بەلگى قوياتىندىعى تۋرالى ايتىلدى.
«اۋرۋحانادا اس بلوگىن تۇراقتى تۇردە باقىلايتىن ينفەكسيالىق باقىلاۋ كوميسسيالارى، براكەراج كوميسسياسى (يبك، بك) جۇمىس ىستەيدى. ساراپتاما بويىنشا تاماقتان ۋلانۋ، تاعامدى ساپاسىز دايىنداۋ دەرەكتەرى تىركەلمەگەن»، - دەپ جاۋاپ بەردى اۋرۋحانا.
وسىعان وراي، №1 اۋرۋحانادا تاماقتانۋ رەجيمى مەن ساپاسىنا قاتىستى نورماتيۆتىك قۇقىقتىق اكتىلەر بۇزىلماعان.