اۋليەاتا وڭىرىندە تاعى ءبىر كونە قالانىڭ ورنى تابىلدى

ماماندار قۇندى زاتتارعا تولى مەكەندى ءالى ءبىر زەرتتەمەك

تاريحى تەرەڭ اۋليەاتا وڭىرىندە تاعى ءبىر كونە قالانىڭ ورنى تابىلدى. ارحەولوگتار 600 گەكتار اۋماقتى الىپ جاتقان شاھار تۇركى قاعاناتىنا تيەسىلى بولعان دەپ وتىر. بۇل تۋرالى Almaty-akshamy.kz حابار 24 ارناسىنا سىلتەمە جاساپ حابارلايدى.

 قازبا جۇمىستارى 20 كۇن بۇرىن جامبىل اۋدانىنداعى قۇمتيىن اۋىلىنىڭ ماڭىندا باستالعان. ماماندار مۇندا 6-12 عاسىر ارالىعىنا ءتان، بيىكتىگى 12 مەترگە دەيىن جەتەتىن قاراكەمەر قالاسى بولعانىن انىقتادى. ازىرگە كونە شاھار اۋماعىنان بىرنەشە بولمەلىك ۇيلەر مەن قىش قۇمىرالار، جان-جانۋارلاردىڭ سۇيەگى جانە وشاق ورنى تابىلدى. تاريحي جادىگەرلەرگە قاراپ، قالاشىقتا ەگىن مەن مال شارۋاشىلىعىنىڭ جاقسى دامىعانىن اڭعارۋعا بولادى. ارحەولوگتاردى 1200 گرادۋس تەمپەراتۋرادا بالقىعان شىنىلاردىڭ شىققانى تاڭعالدىردى. ماماندار قۇندى زاتتارعا تولى مەكەندى ءالى ءبىر زەرتتەمەك.

 «تورتكۇلتوبە 1-دە كولەمى 11/12 مەترلىك قازبا جۇمىستارى جۇرگىزىلدى. ناتيجەسىندە بىرنەشە بولمە ورىندارى انىقتالدى. بۇل جەردە ۇزىندىعى 15 مەتردەن اساتىن، قابىرعاسى، بىلايشا ايتقاندا، قۇرىلىستىڭ كەسىك دەيدى عوي، قيماسىن انىقتاۋ ماقساتىندا ءقازىر تازالاۋ جۇمىستارى جۇرگىزىلىپ زەرتتەلىپ جاتىر»، - دەيدى ارحەولوگ ەرالى اقىنبەك.