الماتىدا ۇزدىك اۋلا، ۇزدىك شاعىن ب ا ق بايقاۋىنىڭ جەڭىمپازدارى جوباسى تۋرالى ايتىپ بەردى
«ۇزدىك اۋلا» نوميناسياسىنىڭ جەڭىمپازى اتانعان المالى اۋدانىندا تۇراتىن ناتاليا لازاريەۆا اۋلانى كوركەيتۋ يدەياسىن كورشىلەرىمەن بىرگە 2020 جىلى ويلاعانىن ايتادى. تۇرعىندار كوگال ەگىپ، ميكسبوردەرگە جيەكتاستار قويدى. كەيىنىرەك اۋلادا سارقىراماسى بار الپىلىك توبەشىك پايدا بولدى.
«حالىق قاتىساتىن بيۋدجەت» باعدارلاماسى تۋرالى بىلدىك. جوسپار قۇردىم، بىزدە سارقىراماسى بار الپىلىك توبەشىك بولعانىن قالادىم. اۋلانىڭ ەسكيزىن جاسادىم. بيىل «ۇزدىك اۋلا، ۇزدىك شاعىن ب ا ق، كوممۋنالدىق قىزمەتتىڭ ۇزدىك قىزمەتكەرى» بايقاۋىنا قاتىستىق، ويتكەنى ءبىزدىڭ اۋلا ۇزدىك دەپ ويلادىق. بۇل مەنىڭ ءحوببيىم. شابىتتاندىم دەپ ايتا المايمىن، تەك ءوز اۋلامىزعا نە جەتىسپەيتىنىن ءبىلدىم»، - دەپ ناتاليا لازاريەۆا «حالىق قاتىساتىن بيۋدجەت» باعدارلاماسىنىڭ ارقاسىندا بايقاۋدا قالاي جەڭىسكە جەتكەنى تۋرالى ايتىپ بەردى.
500 مىڭ تەڭگە ۇتىپ العان سەرتيفيكاتقا قالا تۇرعىندارى اۋلانى كۇتىپ-باپتاۋعا ارنالعان كوگال شاباتىن ماشينا، بۇتاق كەسكىش، بۇرىككىش، شلانگ، شەلەك سىندى قۇرال-جابدىق ساتىپ الدى.
قالانىڭ تاعى ءبىر تۇرعىنى ۆالەنتينا سۋگاتوۆا باستاپقىدا بالكونعا وسىرىلگەن گۇلدەردى وتىرعىزۋ كەرەك ەكەنىن ويلاپ، مۇنىڭ ءبارى كەزدەيسوق تولىققاندى شاعىن باققا اينالعانىن ايتادى.
«قاراپ تۇرسام، ءبارى تاستاندى جانە كىرەبەرىستىڭ جانىنا گۇل وتىرعىزۋعا بولا ما دەپ ويلادىم. وتىرعىزدىم، كەلەسى جىلى ودان كوبىرەك ەكتىم، ەشكىم قارسى بولمادى. كوبىنە مەن جاقسى پىكىرلەردى ەستىدىم. بۇل كۇندەلىكتى ەڭبەكتىڭ ناتيجەسى»، - دەيدى زەينەتكەر.
ونىڭ كۇش-جىگەرى بەكەرگە كەتكەن جوق، بيىل ونىڭ شاعىن باعى ءوزىنىڭ اۋدانىنداعى ۇزدىك دەپ تانىلدى.
ەستەرىڭىزگە سالا كەتەيىك، «الماتى – ءبىزدىڭ ورتاق ءۇيىمىز» اكسياسى اياسىندا مەگاپوليستىڭ بارلىق اۋدانىندا «ۇزدىك اۋلا، ۇزدىك شاعىن ب ا ق، كوممۋنالدىق قىزمەتتىڭ ۇزدىك قىزمەتكەرى» بايقاۋىنىڭ جەڭىمپازدارى انىقتالدى.
دەمەۋشىلىك كومەك ەسەبىنەن بايقاۋدىڭ بارلىق جۇلدەگەرى باعالى سىيلىقتار نەمەسە اقشالاي سەرتيفيكاتتار الدى.