قالالىق پوليسيا دەپارتامەنتىنىڭ تۇسىندىرمەسىنە ساي، الماتىدا اۋلادا جۇرگەن ءبۇلدىرشىندى تەۋىپ قۇلاتقان ەر ادام قاماۋعا الىنعانى بەلگىلى بولدى، دەپ حابارلايدى aqshamnews.kz
الەۋمەتتىك جەلىلەردە ەر ادامنىڭ تۇرعىن ءۇي كەشەنى اۋلاسىندا كىشى جاستاعى بالاعا قول كوتەرگەن ءساتى بەينەلەنگەن ۆيدەو كەڭىنەن تارالۋدا. اتالعان دەرەك بويىنشا الاتاۋ اۋداندىق پوليسيا باسقارماسى قىلمىستىق ءىس قوزعادى.
«كۇدىكتى جەدەل تۇردە انىقتالىپ، ۇستالدى جانە ۋاقىتشا ۇستاۋ يزولياتورىنا قاماققا الىندى.
پوليسيانىڭ ۇستانىمى ايقىن: بالالارعا قاتىستى مۇنداي ارەكەتتەرگە جول بەرىلمەيدى جانە ولار زاڭ اياسىندا قاتاڭ تۇردە توقتاتىلادى. قازىرگى ۋاقىتتا وقيعانىڭ بارلىق ءمان-جايى انىقتالۋدا. تەرگەۋ بارىسى پوليسيا دەپارتامەنتى باسشىلىعىنىڭ باقىلاۋىندا»، – دەلىنگەن قالالىق پد حابارلاماسىندا.