ورتتەن ءتىرى قالىپ، جانساقتاۋ بولىمىندە جاتقان 7 جاستاعى قىزدىڭ دا قايتىس بولعانى ايتىلدى، دەپ حابارلايدى aqshamnews.kz
تۇركىستان وبلىسى، جەتىساي اۋدانى، العاباس اۋىلىنداعى ورتتەن بۇعان دەيىن 12 ادامنىڭ، ونىڭ اراسىنداعى 9 بالانىڭ كوز جۇمعانى ەل تۇرعىندارىنىڭ قابىرعاسىن قايىستىردى. بۇگىن قازا تاپقان بالالاردىڭ سانى 10-عا جەتىپ وتىر.
ءبۇلدىرشىن جەتىسايدان تىكۇشاق ارقىلى وبلىستىق بالالار اۋرۋحاناسىنا جەتكىزىلگەن ەدى. دەسە دە، دارىگەرلەردىڭ بارلىق جانكەشتى ىس-ارەكەتىنە قاراماستان، 7 جاستاعى قىزدىڭ ءومىرىن ساقتاپ قالۋ مۇمكىن بولماعان. مارقۇمنىڭ دەنەسى تۋعان اۋىلىنا جەتكىزىلىپ، جەر قوينىنا تاپسىرىلعان.