15 اقپاندا الماتىدا كەڭەس اسكەرلەرىنىڭ اۋعانستاننان شىعارىلعانىنا 35 جىل تولادى.
بۇل كۇن ەلىمىزدىڭ مەرەكەلىك كۇندەرىنىڭ تىزىمىنە ەنگىزىلگەن. وسى اتاۋلى كۇنگە وراي قانداي ءىس-شارالار وتكىزۋدى جوسپارلاپ وتىرعانى تۋرالى الماتى وكق بريفينگىندە ارداگەرلەر ۇيىمدارىنىڭ بەلسەندىلەرى ايتىپ بەردى، دەپ حابارلايدى Almaty-akshamy.kz.
اۋعانستانداعى سوعىس ارداگەرلەرى مەن مۇگەدەكتەرىن ۇيلەستىرۋ كەڭەسىنىڭ ءتوراعاسى مۇرات ابدىشۇكىروۆ 22 296 قازاقستاندىق سول سوعىسقا قاتىسقانىن، 929 ادام قازا تاپقانىن، 19 ادام حابار-وشارسىز كەتسە، مىڭداعان ادام مۇگەدەك بولىپ ورالعانىن اتاپ ءوتتى. بەس قازاقستاندىققا كەڭەس وداعىنىڭ باتىرى، بىرەۋىنە حالىق قاھارمانى اتاعى بەرىلسە، ايبىن وردەنىنە ەكى ادام يەگەر بولسا، جۇزدەگەن ارداگەر بۇرىنعى كسرو مەن قازاقستان رەسپۋبليكاسىنىڭ وردەندەرىمەن جانە مەدالدارىمەن ماراپاتتالدى.
«مۇنىڭ ءبارى بىزگە سول سوعىس تۋرالى، جەرلەستەرىمىزدىڭ ەرلىگىن ۇمىتۋعا قۇقىق بەرمەيدى. ءوز باتىرلارىن قۇرمەتتەيتىن جانە ماقتان تۇتاتىن حالىق - ۇلى حالىق»، - دەدى م.ابدىشۇكىروۆ.
اتاۋلى كۇننىڭ مەرەيتويى قارساڭىندا الماتىدا ءبىرقاتار ءىس-شارالار جوسپارلانعان. قالانىڭ بارلىق اۋداندارىندا ينتەرناسيوناليست جاۋىنگەرلەر قۇرمەتكە يە بولادى.
سالتاناتتى ءىس-شارالار الماتىدا 15 اقپاندا 28 پانفيلوۆشى-گۆاردياشىلار ساياباعىندا ساعات 11:00-دە وتەدى. ءىس-شارا اياسىندا داڭق مەموريالىنىڭ جانىنداعى ماڭگىلىك الاۋعا جانە اۋعانستاندا قازا تاپقان ينتەرناسيوناليست جاۋىنگەرلەرگە ارنالعان ەسكەرتكىشكە اسكەري قۇرمەتپەن گۇل شوقتارىن قويۋ ءراسىمى وتەدى. سونداي-اق، اسكەري قويان-قولتىق ۇرىس شەبەرلەرىنىڭ كورمە قويىلىمدارى مەن اسكەري-پاتريوتتىق ءان كونسەرتى وتەدى.
ساعات 15: 00-دە «الاتاۋ» سارايىندا اۋعان اسكەري ءانى مەن اسكەري-پاتريوتتىق ءان كونسەرتى وتەدى.
14 اقپاندا ق ر ورتالىق مەملەكەتتىك مۋزەيىندە مەرەيتويلىق كۇنگە ارنالعان كورمە اشىلادى.
ونىڭ سوزىنە «كوك بايراق» قوعامدىق بىرلەستىگىنىڭ ءتوراعاسى اۋەز بەيسەنبايەۆ قوسىلدى. ول بارلىق وتكىزىلەتىن ءىس-شارالار جاس ۇرپاققا ولاردى تاريحپەن تانىستىرۋ ءۇشىن قاجەت ەكەنىن اتاپ ءوتتى. سونىمەن قاتار، الماتى قالاسىنىڭ بارلىق وقۋ ورىندارىندا جاستاردىڭ بويىندا پاتريوتيزم سەزىمىن وياتۋ ماقساتىندا «ەرلىك ساباقتارى» وتكىزىلەدى.
«اۋعانستاننان اسكەرلەردىڭ شىعارىلعانىنا 35 جىل تولۋىنا وراي قالا اكىمدىگىنىڭ قولداۋىمەن ءبىرقاتار ءىس-شارالار وتكىزىلەتىن بولادى. «الاتاۋ» ءداستۇرلى ونەر تەاترىندا مەرەكەلىك كونسەرت، اۆتوشەرۋ، سپورتتىق ءىس - شارالار ۇيىمداستىرىلادى»، - دەپ اتاپ ءوتتى ءا.بەيسەنبايەۆ.
الماتى تۇرعىندارى اتالعان ءىس-شارالارعا قاتىسۋعا شاقىرىلادى.