پرەمەر-مينيستردىڭ ورىنباسارى – ساۋدا جانە ينتەگراسيا ءمينيسترى سەرىك جۇمانعارين گۋمانيتارلىق جانە ساۋدا ميسسياسىمەن كابۋلعا باردى.
دارى-دارمەك قوراپتارى اۋە جولى ارقىلى جەتكىزىلدى. جالپى كولەمى 5 403 توننانى قۇرايتىن (81 ۆاگون) نەگىزگى گۋمانيتارلىق جۇك تەمىرجول كولىگىمەن جەتكىزىلدى، دەپ حابارلايدى Almaty-akshamy.kz Ulysmedia.kz-كە سىلتەمە جاساپ.
گۋمانيتارلىق كومەك ازىق-تۇلىك ونىمدەرىنەن (ءسۇت كونسەرۆىلەرى، وسىمدىك مايى، ۇن، قاراقۇمىق) تۇرادى.
«پرەزيدەنت تاپسىرماسى بويىنشا ءبىز قازاقستان حالقى اتىنان اۋعانستانعا گۋمانيتارلىق كومەك جەتكىزۋ ءۇشىن كەلدىك. ءبىزدىڭ گۋمانيتارلىق ميسسيامىز قاسيەتتى رامازان ايىنا تۇسپا-تۇس كەلىپ وتىر. وسىناۋ مۇسىلمداندار ءۇشىن بەرەكەلى ۋاقىتتا بارشاعا بەيبىتشىلىك پەن تىنىشتىق تىلەيمىز»، — دەدى سەرىك جۇمانعارين.
اۋعانستانعا ساپارى اياسىندا سەرىك جۇمانعارين ساۋدا جانە ونەركاسىپ، سىرتقى ىستەر، بايلانىس جانە تەلەكوممۋنيكاسيا مينيسترلەرىنىڭ مىندەتىن اتقارۋشى، ۆيسە-پرەمەردىڭ م.ا. ابدۋل گاني بارادارمەن كەزدەستى.
ايتا كەتەيىك، 2022 جىلى قازاقستاننان اۋعانستانعا ەكسپورت 2،1 ەسە ءوسىپ، $978،9 ملن-دى قۇرادى. قازاقستاننان اۋعانستانعا ەكسپورت 2023 جىلدىڭ قاڭتار-اقپان ايلارىندا 95%-عا ءوسىپ، $281،5 ملن-دى قۇرادى. اۋعانستاننان قازاقستانعا يمپورت 2023 جىلعى قاڭتار-اقپاندا 28،3%-عا ءوسىپ، $1،1 ملن-دى قۇرادى.