بۇقارالىق اقپارات قۇرالدارى «تاليبان» تاراپىنان قارجىلىق قيىندىقتار مەن قىسىم كورسەتىلىپ جاتقانى تۋرالى مالىمدەدى.
قازاقستاندا تىيىم سالىنعان «تاليبان» قوزعالىسى اۋعانستانداعى بيلىكتى باسىپ العالى ەلدەگى 153 ب ا ق ءوز جۇمىسىن توقتاتقان. بۇل تۋرالى Tolo News ب ا ق بوستاندىعىن قورعايتىن ۇيىمدارعا سىلتەمە جاساپ حابارلايدى.
ءتۇرلى تەلەارنالار، راديوستانسيالار مەن باسپا باسىلىمدارى جۇمىسىنىڭ توقتاۋىنا قارجىلىق پروبلەمالار مەن جاڭا بيلىك ەنگىزگەن شەكتەۋلەر سەبەپ بولدى.
اۋعانستاننىڭ ۇلتتىق جۋرناليستەر وداعىنىڭ وكىلى ماسرۋر ءلۋتفيدىڭ ايتۋىنشا، ەگەر حالىقارالىق ۇيىمدار بۇل ماسەلەنى شەشۋ ءۇشىن شارا قولدانباسا، «اۋعانستانداعى ب ا ق بوستاندىعى اياقتالاتىن» كۇن الىس ەمەس.
ەستەرىڭىزگە سالا كەتەيىك، بۇعان دەيىن «تاليبان» ايەلدەردىڭ سپورتپەن شۇعىلدانۋعا تىيىم سالعان بولاتىن.