جازانى جۇزەگە اسىرۋ ورىنى رەتىندە فاراح پروۆينسياسىنىڭ اكىمشىلىك ورتالىعى تاڭداپ الىندى
اۋعانستان بيلىگىنە كەلگەلى بەرى "تاليبان" قوزعالىسى العاش رەت كوپشىلىك الدىندا ءولىم جازاسىن قولداندى، دەپ حابارلايدى Almaty-akshamy.kz Zakon.kz-كە سىلتەمە جاساپ.
بۇل تۋرالى 7 جەلتوقساندا اتالعان قوزعالىس وكىلى زابيۋللا مۋدجاحيد مالىمدەدى، دەپ جازادى The Washington Post.
تالىپتەر بەس جىل بۇرىن كىسى ءولتىرىپ، موتوسيكل مەن ۇيالى تەلەفون ۇرلاعان اۋعان ازاماتىن ءولىم جازاسىنا كەسكەن.
ءولىم جازاسى كوپشىلىك الدىندا جۇزەگە اسىرىلدى. وعان جەرگىلىكتى حالىقپەن قاتار، مەملەكەتتىك شەنەۋنىكتەر دە قاتىستى.
ءمۋجاحيدتىڭ ايتۋىنشا، ءولىم جازاسىنا "تاليباننىڭ" جوعارعى جەتەكشىسى حايباتۋللا احۋندزادا مۋجاحيد ءوز كەلىسىمىن بەرگەن. بۇل شەشىم ءۇش سوتتىڭ تورەلىگىنەن وتكەننەن كەيىن "وتە ىجداھاتتىلىقپەن" قابىلدانعان.
جازانى جۇزەگە اسىرۋ ورىنى رەتىندە فاراح پروۆينسياسىنىڭ اكىمشىلىك ورتالىعى تاڭداپ الىندى.
تالىپتەر اقش ءوز كونتينگەنتىن اۋعانستاننان اكەتكەن كەيىن 2021 جىلدىڭ تامىزىندا بيلىككە كەلدى.