اۋعانستانعا سوماسى $4 ملن-دى قۇرايتىن ۇن جەتكىزۋ تۋرالى كەلىسىم جاسالدى.
قازاقستان تاراپىنان وعان تاماق ونەركاسىبى سالاسىنداعى ەكسپورتتاۋشى كاسىپورىندارىنىڭ 18 وكىلى (ۇن، ماكارون، كونديتەرلىك ونىمدەر، سۋسىندار، ءسۇت ونىمدەرى) قاتىستى. بيزنەس-فورۋم الاڭىندا كاسىپكەرلەر اۋعانستانعا سوماسى $4 ملن-دى قۇرايتىن ۇن جەتكىزۋ تۋرالى كەلىسىم جاسادى.
بيزنەس-فورۋم الاڭىندا اۋعانستاندا قازاقستان ساۋدا ءۇيىنىڭ اشىلعانى تۋرالى حابارلاندى، نەگىزگى كەڭسە گەرات قالاسىندا ورنالاساتىن بولادى.
«ساۋدا ءۇيىنىڭ نەگىزگى مىندەتتەرى – ەكى ەل اراسىنداعى ساۋدا-ەكونوميكالىق قاتىناستارىن جاردەمدەسۋ جانە جانداندىرۋ، قازاقستان مەن اۋعانستان اراسىنداعى تاۋار اينالىمىن ۇلعايتۋ، ايماقتىق ساۋدا-ەكونوميكالىق، تەلەكوممۋنيكاسيالىق، كولىك جانە لوگيستيكالىق بايلانىستاردى دامىتۋ، ايماق ەلدەرىمەن ساۋدا جاساۋ ءۇشىن اۋعانستاننىڭ ترانزيتتىك جانە شەكارا ماڭىنداعى الەۋەتىن پايدالانۋ، قازاقستان ەكونوميكاسىنا ينۆەستيسيالار تارتۋ»، - دەلىنگەن حابارلامادا.
ءىس جۇزىندە قازاقستاننىڭ ساۋدا ءۇيى قازاقستان مەن اۋعانستانداعى «B2B» فورماتىنداعى ءىس-شارالار ۇيىمداستىرۋدى قامتاماسىز ەتە وتىرىپ، قازاقستاندىق جانە اۋعاندىق ىسكەر توپتار اراسىنداعى پلاتفورماعا اينالۋعا ارنالعان. ول ءۇشىن ونىڭ بازاسىندا ەكسپورتتالاتىن وتاندىق تاۋارلار مەن قىزمەتتەر، ساۋدا سالاسىنداعى زاڭناما، دامۋ پەرسپەكتيۆالارى مەن پروبلەمالىق ساتتەرگە ماركەتينگتىك زەرتتەۋلەر مەن تالداۋ جۇرگىزۋ، قازاقستاندىق جانە اۋعاندىق ىسكەر تورتارعا ۇسىنىستار ازىرلەۋ جانە ءوزارا ءىس-قيمىلدىڭ باسقا دا ماسەلەلەرى بويىنشا كونسالتينگتىك ورتالىق قۇرىلاتىن بولادى.
