اۋعانستاننىڭ شىعىسىنداعى كۋنار پروۆينسياسىندا ماگنيتۋداسى 6-عا جەتەتىن جەر سىلكىنىسى بولدى، دەپ حابارلايدى aqshamnews.kz.
الدىن الا مالىمەتتەر بويىنشا 250-دەن استام ادام كوز جۇمدى، دەپ حابارلايدى انادولى.
بۇل تۋرالى اۋعانستان اقپارات مينيسترلىگىنىڭ وكىلى حابارلاعان.
ونىڭ سوزىنشە، ەڭ كوپ زارداپ كۋنار پروۆينسياسىنىڭ اۋداندارىندا تىركەلگەن، جولدار توپان سۋ مەن جەر قاباتى سىرعۋى سالدارىنان جابىلعان، ىزدەۋ-قۇتقارۋ جۇمىستارى تىكۇشاقتاردىڭ كومەگىمەن جۇرگىزىلىپ جاتىر. زارداپ شەككەندەردىڭ سانى 500-دەن استام، ال قازا تاپقاندار سانىنىڭ كوبەيۋى مۇمكىن.
اۋعانستان ۋاقىتشا ۇكىمەتىنىڭ باسپا ءسوز حاتشىسى زابيحۋللا مۋدجاحيد اقش كومپانياسى X الەۋمەتتىك جەلىسىندە جەر سىلكىنىسى ادام شىعىنىنا الىپ كەلگەنىن راستادى.
ول جەرگىلىكتى بيلىك پەن تۇرعىنداردىڭ قۇتقارۋ وپەراسيالارىنا قاتىسىپ جاتقانىن، ورتالىق ۇكىمەت پەن كورشىلەس پروۆينسيالاردان كوماندالار اپات ايماعىنا جىبەرىلىپ جاتقانىن اتاپ ءوتتى.
جەرگىلىكتى شەنەۋنىكتەر بۇل ەلدە بولعان ەڭ كۇشتى جەر سىلكىنىستەردىڭ ءبىرى ەكەنىن اتاپ ءوتتى. سونىمەن قاتار، وڭىردە ماگنيتۋداسى 5،2-گە جەتەتىن كەم دەگەندە ەكى قايتالاما ءدۇمپۋ تىركەلگەن.
اقش گەولوگيالىق قىزمەتىنىڭ (USGS) دەرەگىنشە، جەر سىلكىنىسىنىڭ ەپيسەنترى دجەلالابادتان سولتۇستىك-شىعىسقا قاراي 27 شاقىرىم جەردە، 8 شاقىرىم تەرەڭدىكتە ورنالاسقان، پاكىستانمەن شەكاراعا جاقىن.